Einkenni kanína eru yfirleitt stór eyru þeirra sem ýmist standa upp í loft eða liggja niður með andliti þeirra. En það er ekki einkenni kanínunnar Mimi sem fæddist ekki með nein eyru, heyrnarlaus og aðeins með þrjá fætur.
Eigandi Mimi, Rodajia Welch féll strax fyrir sérstöku útliti hennar og gat ekki beðið eftir að mega taka hana með sér heim. Þegar Mimi var komin á nýtt heimili gaf Rodajia henni sérstaka gjöf, nýtt sett af eyrum.
„Hugmyndin um að búa til eyru handa henni byrjaði þegar ég var að ákveða nafn á hana. Fyrir mér var augljóst að það þurfti að tengjast eyrnaleysi hennar. Þegar ég var að skoða nöfn rakst kærasti minn á Kemonomimi sem er nafn yfir það þegar fólk klæðir sig upp í búninga og eru með höfuðfat sem eru dýraeyru. Þetta var fullkomið þar sem hún hafði engin eyru sjálf og gat því verið hvað sem hún vildi,“ segir Rodajia í samtali við Bored Panda.
Mimi á núna margar tegundir af allskonar eyrum sem Rodajia hefur búið til handa henni.
„Hún er bara með eyrun á sér þegar ég er nýbúin að búa þau til svo ég geti tekið mynd af henni, eða þegar hún situr hjá mér. Hún leyfir mér að setja þau á hana en vegna öryggis hennar þá festi ég þau aldrei á hana svo hún getur alltaf tekið þau auðveldlega af sér.“
Hér fyrir neðan má svo sjá Mimi, líklega sætustu kanínu í heimi, með eyrun sín:
