Það er ekki alltaf tekið út með sældinni að starfa við fréttaflutning en það er margt sem getur gerst þegar myndavélin er komin á upptöku og allir tilbúnir í sínum stellingum.
Það er þó gott að ekki er allur fréttaflutningur og annað efni úr sjónvarpinu sýnt í beinni útsendingu. Annars gæti það orðið nokkuð algengt að upphaf margra þátta myndi byrja eins og þessi upptaka af henni Snædísi Snorradóttur sjónvarpskonu á Hringbraut:
Snædís gaf Bleikt leyfi til þess að sýna myndbrotið, enda ekkert annað en mannlegt og hrikalega fyndið þegar fólk mismælir sig líkt og hún gerði þegar hún reyndi að bera fram nafn ljósmyndarans Ragnars Axelssonar.
