Móðurhlutverkið getur verið erfitt fyrir nútímakonur. Þú ert þreytt, þú ert stöðugt á ferðinni og aldrei gefst tími til að slaka á. En svo skemmtilega vill til að börnin gefa þér einnig margar góðar og gildar ástæður til þess að setjast niður með vínflösku. Hér má finna nokkur löggildar afsakanir sem mæður geta notað þegar þær vilja setjast niður með vínglas og njóta þess.
- Krakkarnir ætluðu aldrei að geta sofnað þannig að þú ert í sárri þörf fyrir vorkunn.
- Krakkarnir fóru snemma að sofa þannig að nú er tilefni til að fagna.
- Vín er búið til úr vínberjum. Það á að borða fimm skammta af grænmeti og ávöxtum á dag.
- Tengdó er í heimsókn. Það þarf ekki að segja meira.
- Þú eyddir deginum í Boltalandi.
- Þú ert nýkomin heim úr fimmþúsundasta barnaafmælinu þar sem Frozen var enn þá þemað öllum þessum árum seinna.
- Þú ert búin að eyða deginum í að púsla, lita, leira og horfa á teiknimyndir, núna er kominn tími á að gera eitthvað „fullorðins.“
- Heimilið er í rúst.
- Heimilið er fínt.
- Það er miðvikudagur og tilvalið að lífga aðeins upp á erfiða viku.
- Það er fimmtudagur og þú átt ennþá afgang af víninu síðan í gærkvöldi.
- Það er föstudagur þannig að helgin er nánast komin.
- Það er laugardagur sem þýðir að það er komin helgi.
- Allir hinar mömmurnar eru að setja myndir af sér með vínglas á Facebook.
- Þú varst að lesa þennan lista.