Stórleikarinn Johnny Depp neitar að hafa beitt Amber Heard heimilisofbeldi. Heard sótti um skilnað frá Depp í maí 2016 og sagði að Depp hefði beitt sig ofbeldi og væri þar að auki vænisjúkur drykkjumaður. Depp hefur hingað til ekki tjáð sig opinberlega um ásakanir Heard en gerir það í viðtali við GQ. Segir hann að ásakanirnar hafi gert hann að breytt honum úr Öskubusku í Hringjarann í Notre Dame í Hollywood.
„Það sem sló mig var að ég var látinn líta út fyrir að vera það sem ég er alls ekki. Að skaða einhvern sem ég elska? Nei, það hef ég aldrei gert, það hljómar ekki eins og ég,“ segir Depp. Hann segir að ásakanirnar hafi breytt honum í skrímsli: „Ég finn alveg að fólk horfir á mig öðruvísi.“
Hann segir að umtalið hafi haft slæm áhrif á börnin sín. „Ég geri það sem ég geri fyrir börnin mín. Hvernig er hægt að segja svona þegar það er enginn fótur fyrir því. Það var ekki auðvelt fyrir 14 ára son minn að fara í skólann og fá spurningar um hvort hann viti að pabbi sinn hafi verið að berja konur. Af hverju þurfti hann að ganga í gengum það? Af hverju þurfti dóttir mín að ganga í gengum það?“
Depp segist fullviss að „sannleikurinn komi fram“ og að hann verði tekinn í sátt á ný.