Brjóst, mmmmm, brjóst… sagði maðurinn og lygndi aftur augunum með sælubros á vör. Þeir eru ófáir sem hafa látið sig dreyma um nautnaþrunginn köfnunardauða milli risastórra brjósta. Þessir ávölu yndishnúðar sem prýða hverja konu hafa löngum verið tákn um frjósemi og holdlegar nautnir. Frjósemin kemur vitaskuld sterkast fram þegar kona nærir hvítvoðung við brjóst sitt, en ævina á enda, hvort sem kona nýtir framleiðslugetu brjóstanna eða ekki, eru þau tákn um kvenleika og eiga ríkan þátt í að gera hverja konu að ómótstæðilegri kynveru. Stór eða lítil, stinn eða mjúk, öll eru þau ólík en á sama tíma yndisleg og gera hverja konu sérstaka.
Reynslusaga:
Ég elska þegar elskhugar mínir hafa virkilegan áhuga á brjóstunum mínum. Það er eins og þau þurfi svolítið nudd og athygli til að vakna almennilega. Þá verða geirvörturnar líka sjúklega næmar og örvunin hefur meiri og meiri áhrif á mig. Það þarf svolitla þolinmæði, en ef hún er með í spilinu get ég fengið fullnægingu bara við örvun á brjóstunum. Best finnst mér að vera búin að fá að minnsta kosti eina hefðbundnari fullnægingu og að brjóstin fái svo athyglina í kjölfarið. Úff ég verð gröð af því að hugsa um þetta… (Rannveig, 42 ára)
Oft gleymist það að karlmenn eru líka með brjóst rétt eins og konur og hafa alveg jafn mikið af kitli- og kynörvunartaugaendum í sínum geirvörtum. Þess vegna er engin ástæða til að sniðganga þetta skemmtilega svæði á karlmannslíkamanum sem er vel fallið til ýmissa leikja og örvunar. Það liggur reyndar í hlutarins eðli að konubrjóst eru venjulega stærri en karlmannsbrjóst (þó svo að hið gagnstæða þekkist líka) og því er meira hægt að hnoðast með þau á alla kanta.
Síðan að ég komst á kynþroskaaldur hafa nipplurnar (geirvörtur) mínar verið svakalega næmar sem betur fer. Þegar ég var í svefnrofum sem unglingur (og sem betur fer enn í dag) þá vaknaði ég oft við að ég var að fitla við nipplurnar og því fylgdi ólýsanleg unaðskennd heit og mjúk, öðruvísi en fullnæging en jafngóð þó. Ég hef líka fengið huglæga/líkamlega fullnægingu við kossastrok á brjóstum mínum… Nipplugælur gera eiginlega meira en snípsgælur, þær eru án endapunkts og streyma einhvernvegin út um allan kroppinn, á meðan að snípsfullnæging tekur stundum langan tíma, kemur með krafti og svo er allt búið…
P.s. Besta fullnæging sem ég hef fengið var með konu sem gældi við nipplur mínar og snípinn á sama tíma… Konur eru konum bestar þegar kemur að því að veita ólýsanlegan unað! (Lára, 45 ára)
Geirvörtur kvenna eru oftast aðeins stærri en á körlum en hér gildir það sama og með önnur skemmtileg líffæri mannslíkamans, s.s. sníp og tippi, að stærðin er ekki endilega í réttu hlutfalli við kynnæmi og nautnamöguleika.
Kona með skálastærð 32A og önnur með 38DD geta notið brjóstagæla í alveg sama mæli, stærðin skiptir ekki máli. Geirvörtugælur geta verið öflugri en andskotinn og jafnvel komið þiggjandanum fram á fremsta hlunn fullnægingar.
Í rannsóknum hefur komið fram að hérumbil 23% kvenna segist geta náð fullnægingu með geirvörtuörvun einni saman.
Reynslusaga:
Ég var heima hjá þáverandi kærasta mínum og við vorum ein heima. Ég hef alltaf verið mjög næm í geirvörtunum og orðið æst við að þær séu snertar eða sleiktar í forleik eða miðjum leik. Hann vissi það vel og blandaði í raun saman mörgum fantasíum mínum í þetta skipti. Hann leiddi mig inn í stofu og kyssti mig, stuttu síðar vorum við farin að kela og hann tók mig úr skyrtunni og brjóstahaldaranum og lagði mig niður á borð. Ég hafði ákveðnar áhyggjur af því að einhver annar kæmi heim en var of gröð til að hætta. Þá byrjaði hann að kyssa mig og sleikja geirvörturnar af mikilli athygli og kunni vel til verka. Ég varð æstari og æstari og allan tímann bað ég hann um að snerta mig, ríða mér eða ganga lengra með annað augað á útidyrahurðinni. Hann hlustaði ekkert á mig heldur hélt áfram af mikilli list þar til dyrabjallan hringdi. Þá fékk ég svakalega fullnægingu og hann fór til dyra og sótti FedEx sendingu með bros á vör. (Anna, 30 ára)
Prófið nú að gefa geirvörtum hvors/hvers/hverrar annars/annarrar sérstakan gaum í næsta ástarleik. Karlar ættu að kasta fyrir róða allri geirvörtufeimni sem þeir kunna að geyma innra með sér og henda sér á vald geirvörtunautna. Konur eru líklega vanari því að þiggja brjóstagælur almennt, en gætu fundið nýja vídd í munúðinni með því að hvetja leikfélagann til að prófa ný brögð.
Hér er smá hugmyndalisti: léttur blástur, tungubroddur hringar á litbrigðamörkum geirvörtu og brjósts, tennur grípa um geirvörtu og renna þétt fram þar til vörtunni sleppir, bruðinn ísmoli í munni framkallar ertandi kulda, vísifingur og þumall rúlla vörtunum fram og til baka með eins þéttu gripi og þiggjandinn óskar.
Athugið að þessum örfáu hugmyndum má beita jafnt á konur sem karla. Verið nú dugleg!
Þetta er mjög spes. Gerðist mjög mikið á meðan ég var ólétt. Þetta er eiginlega eins og beintenging við snípinn… við þessa örvun er næstum eins og það sé verið að koma við snípinn en samt ekki… fer allt á flug þar þótt það sé ekkert í gangi. Allt logar en ekkert verið að gera… mjög skemmtilegt því það er eins og maður hafi enga stjórn – því maður þekkir snípinn á sér það vel að fæst kemur á óvart þar. Það er sérstaklega gott að bleyta brjóstin og leika með þau öll – ekki klípa bara geirvörtuna – sem er reyndar mjög gott og gera svolítið fast… (Guðbjörg, 32 ára)
