Nú er heldur betur byrjað að kólna hér á Íslandi og eins og flestir vita fylgja haustinu hinar ýmsu kvefpestir. Þegar fólk er með hita og stíflað er oft það síðasta sem þeim langar til þess að gera að borða. En það er hins vegar mikilvægt að næra líkamann og þá sérstaklega þegar veikindi hrjá hann.
Hér er listi sem Metro tók saman af fæðutegundum sem gott er að borða þegar þú ert með kvef:
Allur heitur vökvi er góður fyrir þig þegar þú ert með kvef. Gott er að anda uppgufun úr vökvanum að sér en það getur hjálpað þér við að losna við stíflur. Kjúklingasúpa er talin vera virkilega góð fyrir þig þegar þú ert lasinn. Brokkolí, rauðlaukur, paprika, epli, vínber, svart og grænt te er einnig mjög gott fyrir þig í veikindum. Matur sem er vel kryddaður af engiferi hjálpar þér einnig við að losa stíflur. Það er mikilvægt gæta að jafnvægi í matnum og passa að það sem þú borðar innihaldi líka prótein og kolvetni.
Hér er svo listi yfir þær fæðutegundir sem ber að varast þegar þú ert með kvef:
Því hefur lengi verið haldið fram að mjólkurvörur auki á slímframleiðslu líkamans en það er þó ekki rétt. Þú þarft því ekki að hafa áhyggjur þótt þú hafir fengið þér ís í veikindunum. Hins vegar skalt þú halda þér frá koffíni og áfengi. Bæði þessi efni þurrka líkama þinn upp sem getur gert höfuðverk þinn ennþá verri. Fyrir utan það að líkaminn þarf mikinn vökva til þess að berjast við veikindin.