Það muna líklega flestir eftir bíómyndunum um músina Stuart litla og fjölskyldu hans. Stuart litli var mús sem gat talað og var hann ættleiddur inn í fjölskyldu sem átti einn ungan dreng fyrir.
Unga drengnum, sem leikinn var af Jonathan Lipnicki, leyst alls ekki á blikuna þegar Stuart litli mætti í fjölskylduna en að lokum urðu þeir hinir mestu mátar og lentu í allskyns ævintýrum saman.
Jonathan lék einnig í bíómyndunum Like Mike og Little Vampire ásamt því að fara með hlutverk í nokkrum þáttum.
Jonathan er fæddur árið 1990 og er því ekkert unglamb lengur. Segja má að hann hafi farið úr því að vera litli sæti krakkinn yfir í það að vera flottur ungur maður sem stundar MMA bardaga á fullu.
Ásamt því að vera á fullu í bardagaíþróttum þá er Jonathan einnig að reyna fyrir sér aftur í leiklistargeiranum.
Okkur hjá Bleikt fannst við eldast um þó nokkur ár þegar við áttuðum okkur á því hversu fullorðinn litli sæti drengurinn var orðinn. Hvernig líður þér með þessar upplýsingar?