Það hefur verið að færast í aukana undanfarin ár að fólk sem á von á barni ákveði að tilkynna kynið á einhvern skemmtilegan hátt. Meðal annars hefur fólk látið setja ákveðin lit af kremi inn í köku og bjóða svo fjölskyldu og vinum að vera viðstödd þegar kakan er skorin, einnig hefur fólk látið setja litaðar blöðrur ofan í kassa sem er svo opnaður á meðan tekið er myndband.
En ljósmyndarinn Ellen Nichole Crews og Austin LP fóru alla leið þegar kom að því að tilkynna kynið. Það var þó ekki hefðbundin tilkynning, heldur voru þau að opinbera það fyrir vinum sínum og fjölskyldu að þau væru að fá sér lítinn hvolp.
„Við höfum verið að halda leyndarmáli!! Það er stelpa!!! Megum við kynna fyrir ykkur litla loðbarninu okkar Khaleesi,“ skrifar Ellen á Facebook síðu sinni þar sem þau deila skemmtilegum myndum til þess að tilkynna það að þau væru búin að fá sér hvolp.