Nú getur þú kúkað glimmeri. Já, þið lásuð rétt, glimmeri. Glimmer hefur verið notað sem skraut í langan tíma og hefur það verið framleitt úr hinum ýmsu efnum, sem dæmi steinum, skordýrum og gleri. Í dag er flest glimmer hins vegar framleitt úr plasti og því ekki mælt með að borða það.
Framleiðandi í Þýskalandi hefur búið til hylki sem innihalda glimmer úr plasti fyrir fólk sem vill kúka glimmeri. Varan heitir „Shit the glitter“ og fyrir þá sem ekki eiga leið til Þýskalands fljótlega en langar virkilega til þess að kaupa sér vöruna þurfa ekki að hafa áhyggjur, það fæst líka á Amazon.
Við hjá Bleikt mælum hins vegar gegn inntöku á glimmerinu þar sem það gæti haft slæmar aukaverkanir, enda alls ekki náttúrulegt.