Manst þú eftir hljómsveitinni sem söng lagið Barbie Girl? Að sjálfsögðu, hver gæti gleymt henni! Lagið var líklega það mest grípandi en jafnframt pirrandi á tíunda áratugnum. (Ætli foreldrar barna tíunda áratugsins hafi ekki legið andvaka allar nætur með lagið á heilanum líkt og foreldrar í dag upplifa með lagið Baby Shark?)
Hljómsveitin, sem kemur frá Danmörku, bar upphaflega nafnið Joyspeed þegar það hóf göngu sína árið 1988. Söngkonan Lene Nystrøm og félagar hennar René Dif, Søren Rasted og Claus Noreen ákváðu síðar að breyta nafninu í Aqua og urðu þau heimsþekkt eftir að Universal skrifaði undir samning við þau.
Hljómsveitin var kærð af framleiðendum Barbie frá Mattel árið 2000 fyrir að misnota vörumerki þeirra og einnig fyrir að gefa það til kynna að Barbie væri kynlífstákn. Dómarinn lokaði málinu með orðunum: „Báðum aðilum er ráðlagt að slaka á.“
Lene og René, sem lék Ken í myndbandi þeirra á móti Lenu sem var Barbie tóku tímabil þar sem þau voru par en seinna meir giftist Lene píanóleikaranum Søren og á með honum tvö börn. Sögusagnir gengu manna á milli um að ástæðan fyrir því að hljómsveitin hætti hafi verið vegna þessa ástarþríhyrnings. Lene og Søren skildu síðar eftir sextán ára hjónaband.
Árið 2008 kom hljómsveitin aftur saman og lofaði 25 tónleikum en að lokum spilaði hljómsveitin á átta tónleikum í Danmörku það sumar.
Árið 2016 gaf hljómsveitin út tilkynningu um að Aqua myndi koma frá á að minnsta kosti 10 tónleikum sem hluti af tónlistarhátíðinni við elskum 90‘s (We Love the 90‘s).
Fyrr á þessu ári tilkynnti hljómsveitin svo að þau ætluðu að spila á „The Rewind Tour“ í Kanada með fleiri hljómsveitum frá tíunda áratugnum. Í júní á þessu ári gaf Aqua svo út glænýtt lag sem heitir Rookie.
