Það finnst flestum skemmtilegt að flokka sjálfan sig í ákveðinn hóp. Hvort ert þú kattarmanneskja eða hundamanneskja? Hvort drekkur þú Pepsi eða Coke? Hvítt súkkulaði eða dökkt?
Fólk tekur endalaus próf til þess að komast að því hvaða týpa þau eru. Það er því áhugavert að skoða þær átta týpur af geirvörtum sem Dr. Tsippora Shainhouse, barnalæknir og húðsjúkdómasérfræðingur, taldi upp á dögunum og Seventeen greindi frá. Þrátt fyrir að þessar átta týpur af geirvörtum séu til eru margir sem hafa samsetningu á tveimur eða fleirum.
Hér fyrir neðan má sjá lista yfir þær átta týpur af geirvörtum sem til eru. Hvaða týpu af geirvörtum ert þú með?
Framstæðar geirvörtur eru þær sem standa nokkra millimetra út frá yfirborði brjóstsins og beinast út frá líkamanum. Þegar það er kalt eða ef örvun á sér stað verða geirvörturnar jafnvel harðari og meira áberandi.
Þegar geirvörturnar eru í hvíldarstöðu (manneskjunni er ekki kalt eða að verða fyrir örvun) þá er geirvartan alveg flöt og blandast saman við restina af brjóstinu.
Allt geirvörtusvæðið er eins og lítil útstandandi fjall ofan á brjóstinu. Ef geirvartan verður fyrir kulda eða örvun þá verður hún meira áberandi.
Geirvartan dregst inn í brjóstið. Stundum er hægt að nota fingurna til þess að ýta henni út en það er ekki hægt í öllum tilfellum.
Ein geirvartan er innhverf á meðan hin stendur út. Ef geirvörturnar þínar hafa alltaf verið svona þarft þú engar áhyggjur að hafa. Ef hins vegar þetta er þróun sem er nýleg þá gæti það verið merki um brjóstakrabbamein. Þá er tilefni til þess að kíkja til læknis strax.
Hefur þú tekið eftir litlum blettum í kringum geirvörturnar sem líta út eins og litlar bólur. Ekki kreista þær! Þetta eru algerlega eðlilegir kirtlar sem allir hafa, þeir eru bara mis áberandi hjá fólki.
Þetta eru týpurnar sem fullt af fólki upplifir en enginn virðist tala um. Hárugar geirvörtur. Allir eru með hársekki í kringum geirvörturnar en sumir fá hár í þá en aðrir ekki. Það er allt í lagi að plokka hárin af með plokkara, en ALLS EKKI raka þau af, það er mjög slæm hugmynd.
Sumir fæðast með fleiri en tvær geirvörtur. Það er ekkert til þess að hafa áhyggjur af. Því fleiri geirvörtur því skemmtilegra, ekki satt?