Líkurnar á því að verða ólétt af þríburum eru gífurlega litlar. Sérstaklega þegar þríburarnir verða til við hefðbundin getnað en ekki í gegnum frjósemisaðgerð. En Maria og Anders frá Danmörku eiga þrátt fyrir það, von á þríburum sem getnir voru án aðstoðar.

Fyrir eiga Maria og Anders tveggja ára gamlan son og hefur Maria sýnt frá meðgöngu sinni á Instagram. Samkvæmt Bored Panda er settur dagur hjá Mariu á morgun og hlakka þau til að taka á móti tveimur dætrum sínum og öðrum syni.

Maria ákvað að taka reglulega myndir af breytingunni á líkama sínum og sér hún ekki eftir því í dag, enda er ótrúlegt að hún geti yfirhöfuð ennþá staðið án þess að falla fram fyrir sig.