Aron Einar Gunnarsson, fyrirliði íslenskra karlalandsliðsins í knattspyrnu, eignaðist son í dag með eiginkonu sinni, Kristbjörgu Jónasdóttur. Þessu var greint frá á Instagram-síðu Arons en þar segir einnig að barnið hafi komið í heiminn í Wales, þar sem hjónin eru búsett.
Þetta er annað barn hjónanna og eiga þau fyrir þriggja ára soninn Óliver Breka.
Þau Aron og Kristbjörg giftu sig í Hallgrímskirkju á þjóðhátíðardeginum í fyrrasumar. Kristbjörg er einkaþjálfari og afrekskona í fitness og segir Aron á samskiptamiðlinum að bæði barninu og móður heilsist vel. Þá tekur hann fram að barnsmóðir sín sé mikil hetja og vantar ekki gleðisvipbrigði foreldrana yfir nýja eintakinu á meðfylgjandi ljósmynd.
