Jú það hefur oft verið sagt að tískan gangi í hringi. Útvíðar buxur, „denim on denim“ og buffaló skór. Þessir hlutir hafa allir verið að ryðja sig inn í tískuheiminn aftur á einn eða annan hátt undanfarin ár.
En nú er komið að því. Tískuslysinu sem allir höfðu áhyggjur að kæmi aftur.
Í myndatöku sem Rihanna var í fyrir september blað Breska Vogue, skartaði hún örþunnum augabrúnum.
Rihanna hefur lengi verið leiðandi í tísku hvað varðar augabrúnir. Fyrst voru það stórar og þykkar og við fylgdum eftir. Svo aflitaði hún augabrúnirnar og margir hermdu eftir henni líka þar.
Það er því talið líklegt að margar konur muni feta í fótspor Rihönnu á næstu mánuðum og plokka af sér megnið af augabrúnunum.