Nýsjálenski leikarinn, heimshornaflakkarinn og Íslandsvinurinn Manu Bennett hefur margoft heimsótt Ísland, sem heillaði hann í hans fyrstu heimsókn árið 2015.
Manu er mikill mannvinur og dýravinur og í maí sögðum við frá því þegar hann bjargaði fugli, en Manu var þá staddur í Helsinki í Finnlandi.
Og Manu heldur áfram að bjarga dýrum, í þetta sinn hákarli í Pukehina í Nýja-Sjálandi.
Birti Manu myndbönd á Instagram, þar sem sjá má hákarlinn aðframkominn í fjörunni. Eftir smávegis hvatningu frá Manu ákvað hákarlinn að synda aftur á haf út.
Manu er best þekktur fyrir hlutverk sín sem skylmingaþrællinn Crixus í þáttunum Spartacus, illmennið Slade Wilson/Deathstroke í Arrow, presturinn Allanon í The Shannara Chronicles og Azog foringi Orka í þríleiknum um Hobbitann.
