Ég er rosalega hrifin af sætum kartöflum og allskonar réttum og meðlæti sem hægt er að græja úr þeim. Sætkarftöflufranskar passa svo vel með allskyns kjötréttum, hamborgurum eða einar og sér og hér er skotheld uppskrift af heimgerðum sætkartöflufrönskum sem allir geta gert!
Uppskrift
Byrjum á því að flysja sæta karftöflu í þeirri stærð sem hentar fyrir fjöldann og skera niður í franskar.
Galdurinn liggur svo í kryddblöndunni!
Kryddblanda
Hálfur dl olía eftir smekk (td. ólífu eða avocadó).
1 msk Maldonsalt
1 tsk paprikuduft
1 tsk hvítlauksduft
1 msk fersk frosin steinselja ( fæst í frystinum í bónus og hagkaup td).
Best er að taka stóra skál og blanda kryddinu öllu saman í hana og hræra vel og bæta svo frönskunum útí og hræra þar til allt er vel blandað.
Setja kartöflurnar á plötu með bökunarpappír og inní ofn á 200 gráðum í ca 30 mín á blæstri. Fylgjast vel með og snúa þeim þegar þær eru hálfnaðar.
Og voila! Gómsætar franskar á stuttum tíma sem allir elska
Færslan er skrifuð af Hönnu Þóru og birtist upphaflega á Fagurkerar.is
Hægt er að fylgjast með Hönnu á Snapchat undir notandanafninu: hannzythora
