Það getur verið ákveðin kúnst að borða banana, eða öllu heldur velja réttan tíma til að borða hann. Þegar við kaupum hann úti í búð er hann stundum of grænn og óþroskaður og ef við trössum að borða hann í einhverja daga verður hann jafnvel of þroskaður.
Meðfylgjandi mynd hefur vakið talsverða athygli í netheimum en á henni má sjá fimmtán banana á mismunandi þroskastigi. Fólk á svo að segja sína skoðun á því hvenær því finnst bananinn bestur.
Myndin birtist fyrst á Instagram og þar skiptist fólk í fylkingar. Sumir segja jafnvel 1 á meðan aðrir nefna 15. Flestir nefna þó tölu á bilinu 8-10.
En hvenær finnst þér bananinn bestur, kæri lesandi?