Aron Davíðsson er 23 ára gamall leikari, grínisti og rappari úr Grafarvogi.
Nýlega brá hann á leik, smellti sér í Borat skýluna sívinsælu og á Calpe ströndina á Spáni við misjöfn viðbrögð strandargesta.
„Ég elska að búa til skemmtilegt efni fyrir fólk og er alveg sama þó ég geri sjálfan mig að fífli í leiðinni,“ segir Aron Ingi. „Það er svo mikið af efni til á netinu og þolinmæði hjá fólki er orðin svo lítil þannig að stundum þarf maður að gera eitthvað krassandi svo fólk haldi ekki bara áfram að skrolla niður. Númer eitt, tvö og þrjú er að fólk brosi, ef þau gera það er markmiði mínu náð.“
Fylgjast má með Aroni Inga á Facebooksíðu hans og heimasíðu.