Flestar konur kannast við það að hafa upplifað fyrirtíðaspennu. Hún getur gert vart við sig nokkrum dögum áður en konan á að byrja á blæðingum og getur haft áhrif á skap, húð og valdið miklum verkjum í kvið og legi.
Það er mjög misjafnt á milli kvenna hvað hver og ein upplifir miklar truflanir og verki í kringum þennan tíma mánaðarins en margar konur geta þó verið sammála um það að uppþemban, kviðverkirnir og þreytan eru eitthvað sem við myndum allar vilja sleppa við.
Samkvæmt Popsugar er ýmislegt í mataræði okkar sem getur haft áhrif á ofantalda hluti. Það getur auðvitað verið misjafnt á milli kvenna hvað virkar á hverja og eina en það gæti í það minnsta verið góð hugmynd að prófa að sleppa þessum hlutum úr mataræði þínu ef þú upplifir mikla fyrirtíðaspennu.
Vínglas
Vín getur haft áhrif á uppþembu og verki – Reyndu að sleppa því og fá þér vatnsglas í staðinn
Koffín
Að grípa sér auka kaffibolla hljómar vel, sérstaklega þar sem þreyta gerir oft vart við sig þegar konur eru á blæðingum – Hins vegar er það ekki góð hugmynd og mun einungis rugla svefnrútínu þinni enn frekar
Mjólkurvörur
Mjólkurvörur skapa yfirhöfuð mikla uppþembu hjá fólki – Áhrifin aukast enn meira þegar kona er á blæðingum. Hún getur einnig aukið á kviðverki og magakrampa
Matur sem inniheldur mikla fitu
Matur sem inniheldur mikla fitu getur haft áhrif á hormónastarfsemi þína og ollið þér uppþembu og kviðverkjum
Matur sem inniheldur mikinn sykur
Ástæðan fyrir því að þú sækir í mat sem inniheldur mikinn sykur eru breytingar á hormónum þínum – Sykurinn hins vegar ruglar í blóðsykrinum og mun einungis láta þér líða verr þegar þú hefur lokið við máltíðina
Djúpsteiktur og saltaður matur
Þér líður kannski eins og franskar séu einmitt það sem þig vantar – En djúpsteiktur og saltaður matur getur haft áhrif á skap þitt, aukið kviðverki og komið af stað óeðlilegri hreyfingu í þörmunum sem skapa ennþá meiri sársauka
