fbpx
Sunnudagur 16.júní 2019
Bleikt

Ragga nagli: „Við getum orðið okkar eigin útgáfa af henni eða honum“

Ragna Gestsdóttir
Mánudaginn 28. maí 2018 15:00

Mynd: Andrea Jónsdóttir

Ekki missa af Helstu tíðindum dagsins í pósthólfið þitt

Lesa nánar

Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðþar sem hún birtir reglulega pistla um hreyfingu, mataræði og fleira. Í þeim nýjasta fjallar hún um að að enginn er með ´etta frekar en annar.

Þú þekkir hana.
Þessa á instagram með kviðvöðvana. Þú hefur screenshottað myndir af henni til að eiga sem hvatningu fyrir erfiðu dagana.
Hún er taugaskurðlæknir.
Með fjallahjóladellu.
Alltaf í níðþröngum Under Armour spandex að skutla ljóshærðum krullukollum í skólann. Og fiðlutíma. Og söng. Og ballet.
Með litaskipt túlípanabeð í vel hirtum garðinum.
Grasflötin eins og golfvöllur.
Instagram póstar af grænkálsdjúsum og jógamottum.
Facebook myndir af Arnarnesinu tveimur og hálfu barni, hundi og flunkunýjum Range Rover.
Snapchat af maraþonundirbúningi.
Niðurrignd eftir tuttugu kílómetra á Reykjanesbrautinni

Myllumerkið #hressandi #þúgeturþetta

Þú ert í joggingbuxum af kallinum af því það er eina sem passar akkúrat núna.
Þarft að skúbba til gömlu bananahýði til að koma barnastólnum fyrir í aftursætinu.
Sem er loðið af hundahárum.
Og það er barnaæla á öxlinni á þér.
Þú fórst síðast í jógatíma á tíunda áratugnum.

Myllumerkin þín eru #lifiégdaginnaf#erutilhreinarnærbuxur

Af hverju er „hún“ með’etta en ekki þú ?

En sannleikurinn er að hún er ekki með’etta.
Hún er líka berskjölduð og viðkvæm.
Að skúbba í sig heilli dós af Nutella með puttunum bak við hurð eftir erfiðan vinnudag.
Ein með hvítvín og sígó í myrkri að hlusta á Kenny G eftir rifrildi við makann.

Skælandi yfir The Crown: „Af hverju líkaði mömmu alltaf betur við systur mína. Ég er aldrei nógu góð.“

Á gamalli Sloggi nærbrók girt yfir nafla með kökk í hálsinum að vigta sig inni á óskúruðu baðherbergi.
Engin barnaolía, fótósjoppfilter eða ljósmyndari í augsýn.

Það skiptir ekki máli hvort þú ert með fölsk augnhár, vogskorinn kvið, grjótharðan kúlurass.
Hvort þú rífir reglulega í galvaníserað járn eða hoppir yfir kassa eða hlaupir á milli bæjarfélaga.

Það virðist vera sem allir hinir valhoppi í glimmerstráðri gangstétt alla ævi.
Allavega selja samfélagsmiðlar okkur þá tálsýn.
Pistlar um bikiníæfingar, spínatsmúðinga og spírúlína detox sjeika.

Við erum öll ófullkomin, rytjuleg, með bauga, hrukkur, inngrónar táneglur, stíflað klósett og grenjandi krakka.
Með óstraujaðan þvott, órakaða handarkrika og loðna fótleggi.

Og ást á hráu kökudeigi og rækjusalatsamloku frá Sóma.

Ef við hættum að velta okkur upp úr að vera ekki nógu fitt, nógu klár, nógu skemmtileg, nógu falleg, nógu góð móðir.

Að ná ekki að gera nóg yfir daginn, æfa ekki nóg, hlaupa ekki nóg, teygja ekki nóg, borða ekki nógu hollt.

Prófaðu að finna nýja fyrirmynd í kjötheimum.
Mömmuna í næsta húsi sem er skítug úti í sandkassa. Kennarinn í skólanum sem stendur í lappirnar 8 tíma á dag. Póstburðarkonan sem er ómáluð að þramma hverfið.

Við getum orðið okkar eigin útgáfa af „henni“ eða „honum.“

Facebooksíða Röggu nagla.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Biðst ekki afsökunar á kjólnum sem er talinn hafa brotið lög í heimalandinu

Biðst ekki afsökunar á kjólnum sem er talinn hafa brotið lög í heimalandinu
Bleikt
Fyrir 4 dögum

Aðdáendur tóku eftir óvenjulegri hegðun Keanu Reeves þegar hann stillir sér upp með konum – Hvers vegna gerir hann þetta?

Aðdáendur tóku eftir óvenjulegri hegðun Keanu Reeves þegar hann stillir sér upp með konum – Hvers vegna gerir hann þetta?
Bleikt
Fyrir 4 dögum

Justin Bieber vill slást við Tom Cruise

Justin Bieber vill slást við Tom Cruise
Bleikt
Fyrir 5 dögum

Mæður hylla þessa konu – Birti mynd sólarhring eftir fæðingu: „Mig langar að vera eins hreinskilin og mögulegt er“

Mæður hylla þessa konu – Birti mynd sólarhring eftir fæðingu: „Mig langar að vera eins hreinskilin og mögulegt er“
Bleikt
Fyrir 1 viku

Bradley Cooper og Irina Shayk hætt saman

Bradley Cooper og Irina Shayk hætt saman
Bleikt
Fyrir 1 viku

Anna tók í taumana þegar kílóin byrjuðu að stjórna henni: „Mér fannst eins og maðurinn minn myndi fara frá mér fyrir einhverja „granna“ gellu“

Anna tók í taumana þegar kílóin byrjuðu að stjórna henni: „Mér fannst eins og maðurinn minn myndi fara frá mér fyrir einhverja „granna“ gellu“
Bleikt
Fyrir 1 viku

Dagur í lífi Kylie Jenner: Snyrtivörumógull, móðir og milljarðamæringur

Dagur í lífi Kylie Jenner: Snyrtivörumógull, móðir og milljarðamæringur
Bleikt
Fyrir 1 viku

Fyrirsæta fitusmánuð eftir að hafa deilt þessari bikiní mynd – Sagt að hún sé ólétt: „Smá ráð, salatbar“

Fyrirsæta fitusmánuð eftir að hafa deilt þessari bikiní mynd – Sagt að hún sé ólétt: „Smá ráð, salatbar“

Tarot Spil

Veldu þér spil og sjáðu spádóm þinn.