fbpx
Bleikt

Ragga nagli: „Yfirleitt snýst það bara um að borða færri hitaeiningar“

Ragna Gestsdóttir
Mánudaginn 7. maí 2018 15:00

Mynd: Andrea Jónsdóttir

Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira. Í þessum fjallar hún um að við finnum mataræðið sem hentar okkur hverju fyrir sig.

Hversu oft hefurðu heyrt eftirfarandi staðhæfingar?

Ég fór á ketó og það virkaði rosa vel þangað til ég fór í helgarferð til Amsterdam.
Ég prófaði vegan og það virkaði rosa vel þangað til ég fór í fermingu hjá Hjalta frænda.
Ég prófaði 16:8 og það virkaði rosa vel þangað til við fengum gesti frá útlöndum.
Ég prófaði lágkolvetna og það virkaði rosa vel þangað til um páskana.

Kannski virkaði ketó af því einföldu kolvetnin úr brauði og kexi datt út.
Kannski virkaði 16:8 af því Nóakroppið yfir Netflix á kvöldin var ekki lengur í boði.
Kannski virkaði vegan af því þú borðaðir meira af trefjaríku mettandi grænmeti.
Kannski virkaði lágkolvetna því þú borðaðir minna af pizzu og pasta.

Í flestum tilfellum virka matarplön og megrunarkúrar af því þú borðar færri hitaeiningar.

Engin geimvísindi. Enginn Bjarni töframaður. Engir stjarneðlisfræðilegir útreikningar.

Í flestum tilfellum þarf ekki dramatískar megrunaraðgerðir til að tálga smjör af skotti.
Matarplön sem segja þér hvað, hvenær, og hversu mikið.

Yfirleitt snýst það bara um að borða færri hitaeiningar.
Minnka neyslu á hitaeiningaríkum næringarsnauðum mat
Minna af öreindaunnu úr pakka. Minna af transfitu, einföldum kolvetnum og sykri.
Auka neyslu á heilum afurðum, ávöxtum og grænmeti.
Auka neyslu á góðri fitu og flóknum kolvetnum.

Matarplan sem „virkar rosalega vel,“ en þú gast ekki fylgt því af því þú fórst í flugvél, settir á þig varalit, fórst í gleðskap eða það er rauður dagur á dagatalinu.
Það matarplan virkaði ekki rosalega vel. Það er mælikvarði á að það virkaði einmitt ekki vel.

Mataræði sem hentar þér er það sem þú getur fylgt í öllum póstnúmerum, í öllum félagslegum aðstæðum og öllum dögum ársins.

Facebooksíða Röggu nagla.

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Drengirnir eru fundnir

Ekki missa af

Bleikt
Í gær

6 góð ráð gegn meðgöngukláða

6 góð ráð gegn meðgöngukláða
Bleikt
Í gær

Nú getur þú kúkað glimmeri – En við mælum ekki með því

Nú getur þú kúkað glimmeri – En við mælum ekki með því
Bleikt
Fyrir 2 dögum

Ósáttur faðir hefur fengið nóg og húðskammar dóttur sína – Myndbandið sem hefur vakið heimsathygli

Ósáttur faðir hefur fengið nóg og húðskammar dóttur sína – Myndbandið sem hefur vakið heimsathygli
Bleikt
Fyrir 2 dögum

Tobba og Kalli telja niður í settan dag – Grenja?

Tobba og Kalli telja niður í settan dag – Grenja?