Bleikt

Sverrir og Auðunn ekki lengur einir

Ragna Gestsdóttir
Sunnudaginn 20. maí 2018 12:00

Félagarnir Sverrir Bergmann og Auðunn Blöndal slógu í gegn fyrir nærri tuttugu árum síðan með laginu Án þín. Auðunn íslenskaði texta hinnar heimsfrægu hljómsveitar Bon Jovi, Always, og Sverrir söng.

Félagarnir eru á meðal myndarlegustu og skemmtilegustu manna landsins og aldrei lengi einhleypir. Báðir hafa þeir nýlega fundið ástina og þurfa því ekki að skera úr sér hjartað með skeið.

Sverrir og Kristín Eva Geirsdóttir eru skráð saman í samband á Facebook, en Kristín Eva starfar sem sérfræðingur í flugöryggis- og flugverndarmálum á Keflavíkurflugvelli.  Kristín Eva bjó í nokkur ár í Katar, þar sem hún starfaði sem flugfreyja hjá Qatar Airways og einnig sem lögfræðingur, en hún er með meistarapróf í flug- og geimrétti í vasanum.

Auðunn og Rakel Þormarsdóttir eru ekki skráð í samband enda er Rakel ein fárra Íslendinga sem er ekki á samfélagsmiðlum. Rakel sem er 35 ára, varð fræg á einni nóttu 17 ára gömul þegar myndir af henni birtust á auglýsingaspjöldum fyrir Top Shop um Reykjavík og víðar. Þá hafði hún tekið þátt í Fordkeppninni og síðar reyndi hún fyrir sér í módelstörfum með góðum árangri. Bransinn átti þó ekki við hana og fór hún seinna í ítölskunám í Lugano í Sviss.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Amanda hræðist framtíðina: „Ég hef áhyggjur – Ég er leið – Ég finn fyrir vanmætti“

Amanda hræðist framtíðina: „Ég hef áhyggjur – Ég er leið – Ég finn fyrir vanmætti“
Bleikt
Fyrir 4 dögum

Ert þú að gifta þig á næsta ári? Brúðarkjólatískan fyrir árið 2019 er komin út

Ert þú að gifta þig á næsta ári? Brúðarkjólatískan fyrir árið 2019 er komin út