Bleikt

Hugh Grant hefur sagt skilið við sjarmörinn: Telur sig of gamlan og ljótan

Tómas Valgeirsson
Þriðjudaginn 15. maí 2018 16:30

Breski leikarinn Hugh Grant var eitt sinn á meðal eftirsóttustu gamanleikara í Hollywood og hefur mikið sérhæft sig í rómantískum gamanmyndum. Segir fyrrum hjartaknúsarinn núna að sá fugl sé floginn.

Hinn 57 ára gamli Grant segir að hann hafi einfaldlega ekki áhuga á því að leika sjarmör lengur, sem hann telur vera fylgihlutur þess að verða orðinn „of gamall og ljótur“ en býður sú staðreynd í rauninni upp á miklu fjölbreyttari hlutverk að hans mati.

Bætir Grant við að séu breyttir tímar og hafi hann áhuga á fleiri hlutverkum í sjónvarpsþáttum. „Einu sinni voru kvikmyndastjörnur með mjög snobbað hugarfar gagnvart sjónvarpsleik, en það hefur allt breyst mjög hratt,“ segir leikarinn við tímaritið Radio Times.

Þess má geta að Grant hefur leikið í fleiri en tíu rómantískum gamanmyndum síðan hann öðlaðist heimsfrægð með kómedíunni Four Weddings and a Funeral fyrir 24 árum síðan.

 

 

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af