Það muna líklega flestir eftir því þegar þeir hittu tilvonandi tengdaforeldra sína í fyrsta skiptið. Stress hnúturinn í maganum sem myndast vegna þess hversu miklar áhyggjur fólk hefur yfir því að koma vel fyrir. Yfirleitt ganga þessar áhyggjur yfir á nokkrum heimsóknum og sambandið vex og dafnar í rétta átt.
Það eru þó sumir sem lenda í því að eiga í einhverskonar óþægilegu eða vandræðalegu sambandi við tengdaforeldra sína alla ævi. Það má vanalega rekja til mismunandi persónuleika eða einhverskonar ósætti sem er þó ekki mjög alvarlegt. En svo eru einn og einn sem lenda í því að eiga í stórfurðulegu og jafnvel óeðlilegu sambandi við tengdaforeldra sína, líkt og maður einn sem greindi frá vandræðalegri stöðu sinni á Reddit en Metro segir frá.
Maðurinn kynntist tengdamóður sinni fyrir nokkrum árum síðan og fljótlega varð honum og konu hans ljóst að móðir hennar bar aðeins of miklar tilfinningar til hans. Tengdasonurinn sem er menntaskólakennari frá Suður Afríku ræddi við tengdamóður sína um óþægilegu stöðuna sem hann var komin í og bað hana að vera ekki að bera tilfinningar sínar á borð. Fljótlega minnkaði viðreynsla tengdamóðurinnar en hún hélt þó áfram að daðra við tengdason sinn. Hann og kona hans tóku eftir því en ákváðu að láta þá hegðun fram hjá sér fara þar sem konan var mikill daðrari að eðlisfari.
Dag einn þegar kona mannsins var með móður sinni, brá hún sér á salernið og skyldi símann sinn eftir frammi á meðan. Þegar hún kom til baka áttaði hún sig á því að móðir hennar hafði farið í símann, skoðað myndirnar hennar og ákveðið að senda sér dónalegar myndir sem hún fann af tengdasyninum.
„Mér finnst virkilega brotið á mér núna. Konan og ég höfum verið saman í nokkur ár og við höfum lagt það í vana okkar að senda hvoru öðru klúrar myndir. Það er bara okkar hlutur. Þetta er hræðilegt. Við konan höfum nokkuð skrítin áhugamál þegar kemur að kynlífi og myndirnar voru bara fyrir hana. Það verður mjög vandræðalegt fyrir mig ef einhver annar sér þessar myndir,“ segir maðurinn um þá stöðu sem hann stendur nú í.
Kona hans stendur með sínum manni og ákváðu þau að banna henni að mæta í fjölskyldumatarboð um nýliðna helgi.
„Við ætluðum að bjóða henni, mági mínum og konu hans í mat en við ákváðum að banna henni að mæta. Núna er hún að segja öllum að við séum að einangra hana og af því að ástæðan er svo vandræðaleg þá þori ég ekki að segja fólki af hverju.“
Staðan sem þetta greyið par stendur í er heldur vandræðalegt og vonandi ná þau að leysa úr því sem fyrst.
