Áhrifavaldarnir og turtildúfurnar Tanja Ýr og Egill Fannar hafa ferðast mikið um Marokkó síðustu daga og sýnt frá ferðalögum sínum á Instagram. Eitt af því sem þau hafa verið dugleg við að setja í sögu sína er hve vel þau hugsa um flækingsketti á götunni.
Tanja og Egill hafa nefnilega þann háttinn á að kaupa eitthvað góðgæti fyrir götukettina og gefa þeim að borða, enda eflaust sársvangir.
„Fórum og keyptum mat handa kisunum sem við sáum og þegar við mættum aftur þá var maður sem kallaði á fleiri kisur og í endannn voru þær svona 10. Og hann mátti klappa þeim og allt! Hversu krúttlegt!“ skrifar Tanja í sögu sína og bætir við að fyrrnefndur maður hafi verið mjög þakklátur fyrir góðverk parsins. Hún vill ennfremur ítreka af hverju þau ákveða að gefa villtum dýrum að borða á ferðalögum sínum.
„En til að hafa það á hreinu er ég ekki að setja inn öll þessi dýravídjó/myndir hvert sem ég fer til að sýna hvað ég er „góð“ heldur til að vekja athygli á hversu auðvelt er að gera góðverk. Kaupa smá nammi/mat handa kisunum/dýrum almennt og gefa þeim er yndislegt tilfinning og ef maður hugsar alltaf: „Æ, það er einhver annar sem gerir þetta“, þá gerir það enginn,“ skrifar Tanja.