Ingibjörg Eyfjörð er tveggja barna móðir og íslenskur bloggari á Öskubuska.is. Ingibjörg segir að allt er ekki sem sýnist á samfélagsmiðlum. Hún deilir tveimur myndum af sér á Instagram-síðu Öskubusku. Ingibjörg er búin að eiga við fyrri myndina og breyta líkama sínum. Ingibjörg gerir þetta í þeim tilgangi að breiða út mikilvægum skilaboðum um sjálfsást.

„Út um allt á Instagram eru myndir af hinum fullkomna líkama. Stór rass, stór brjóst, flatur magi, mjótt mitti, fullkomin húð. Ég horfi á þessar myndir og dæmi líkamann minn. Ég dæmi líkamann minn fyrir það hvað brjóstin eru lítil, lafandi og slitin. Ég dæmi magann minn fyrir að vera ekki nógu flatur, að þegar ég sest rúllast hann eins og gardína og þegar ég stend aftur upp er hann þakinn rauðum línum þar sem húðin leggst saman,“

segir Ingibjörg. Hún segir að líkami sinn hefur borið hana í að verða 28 ár þó hún hafi svelt, brennt og skorið hann og fyllt hann af lyfjum sem áttu ekkert erindi þangað.

https://www.instagram.com/p/BuGcTASgVpz/

„Ég hef árum saman óskað þess að hann væri öðruvísi,“ segir Ingibjörg og bætir við:

„Þessi líkami nærði börnin mín tvö í 22 mánuði og gerði þeim kleift að vaxa og dafna meðan ég gekk með þau. […] Þessi líkami á skilið að ég elski hann fyrir allt sem hann hefur gert fyrir mig.“

Að lokum segir Ingibjörg:

„Við skulum muna að líkaminn okkar er sá eini sem við eigum með öllum þeim kostum og göllum sem honum fylgja. Við skulum muna að ekki er allt sem sýnist á samfélagsmiðlum og við eigum ekki að bera okkur saman við aðra. Það eru allir mismunandi, það er það sem gerir okkur einstök. Allir líkamar eiga rétt á sér.“

Lestu alla færslu Ingibjargar í heild sinni á Instagram eða hér fyrir ofan.