Það er ekki langt síðan að við fengum að vita meira um Bieber hjónin í einlægu viðtali þeirra við Vogue. Nú fáum við mögulega að fylgjast með daglegu lífi Bieber hjónanna ef orðrómurinn er sannur. Samkvæmt heimildum Radar Online eru Justin og Hailey Bieber í samningaviðræðum um raunveruleikaþætti um líf þeirra saman.
„Uppsetningin verður svipuð og Newlyweds, gamli MTV þátturinn um Jessicu Simpson og Nick Lachey,“ sagði heimildarmaður Radar Online og bætti við: „Justin er spenntur að aðdáendur hans kynnist eiginkonu sinni betur.“
Justin Bieber og Hailey Bieber gengu í það heilaga þann 24. september 2018.