Valentínusardagurinn er í dag, en hann er oft kallaður dagur ástarinnar. Það eru mörg stjörnupör sem hafa nýtt þennan dag til að innsigla ástina. Samböndin hafa þó ekki alltaf gengið upp, sem hefur þó ekkert með daginn í dag að gera.
Leikararnir gengu í það heilaga á Valentínusardaginn árið 1991 og árið eftir eignuðust þau soninn Jack. Ástin hélt þeim þó ekki saman og árið 1997 skildu þau í kjölfar þess að Meg hélt við leikarann Russell Crowe.
„Ástæðan fyrir sambandsslitunum hefur ekkert með aðra manneskju að gera,“ sagði leikkonan í viðtali við tímaritið W í október árið 2000. „Hjónabandið mitt var brotið – það var enginn annar sem braut það.“
Dennis kvæntist síðar Kimerly Quaid, en þau skildu í apríl í fyrra. Meg tilkynnti hins vegar trúlofun sína og John Mellencamp í nóvember í fyrra.
Söngkonan Lady Gaga tilkynnti um trúlofun sína við leikarann Taylor Kinney á Valentínusardaginn árið 2015.
„Hann gaf mér hjarta sitt á Valentínusardaginn og ég sagði JÁ!“ skrifaði hún við mynd á Instagram af demantshring. Parið hætti hins vegar saman í júlí árið 2016 eftir fimm ára samband.
Í dag er Lafðin trúlofuð Christian Carino, en hann fór á skeljarnar sumarið 2017.
Leikaraparið og Íslandsvinirnir trúlofuðu sig á Valentínusardaginn árið 2009 og gengu í það heilaga í Nýju-Mexíkó seinna sama ár.
Harrison og Calista eru enn saman, en þau kynntust á Golden Globe-verðlaunahátíðinni árið 2002 þegar að leikkonan hellti niður rauðvíni á leikarann. Þau eiga saman soninn Liam.
Leikkonan giftist franska athafnamanninum á Valentínusardaginn árið 2009. Þau eignuðust dótturina Valentinu árið 2007 og endurnýjuðu heitin í ágúst í fyrra.
Poppstjarnan trúlofaðist Matthew á Valentínusardaginn árið 2014 eftir nærri þriggja ára samband. Þau hafa enn ekki gengið í það heilaga en eiga saman dótturina Summer Rain sem verður fimm ára á árinu.
Vince bað Kylu á Valentínusardaginn árið 2009.
„Mér datt í hug að grípa tækifærið þar sem ég mun aldrei gleyma þessari dagsetningu,“ sagði Vince í viðtali í þætti Ellen DeGeneres eftir bónorðið. „Þannig að Valentínusardagurinn var dagurinn sem ég bað hennar.“
Parið gekk í það heilaga í janúar árið 2010.
Leikarinn gekk að eiga leikskáldið á Valentínusardaginn árið 2015, en Sophie gekk með þeirra fyrsta barn á þeim tíma. Sonurinn Christopher kom í heiminn í júní það árið og sonurinn Hal í mars árið 2017. Þau eiga nú von á sínu þriðja barni saman.
Söngvarinn heitni gekk að eiga fjöllistakonuna á Valentínusardaginn árið 1996. Fjórum árum síðar voru þau skilin, en Prince dó úr ofneyslu á fentanýli í apríl árið 2016, 57 ára að aldri.
Fyrirsætan og körfuboltakappinn létu pússa sig saman á þessum degi árið 2009. Þau eignuðust dæturnar Valentinu og Siennu saman, en eftir fimm ára hjónaband ákváðu þau að skilja í maí árið 2014.
Grey‘s Anatomy-leikarinn kvæntist Jenisu á Valentínusardaginn árið 1996. Hjónin eiga þrjú börn saman; synina Isaiah V og Tyme og dótturina Iman.
