Margir ráku upp stór augu á Dulles-flugvellinum fyrir utan Washington DC í Bandaríkjunum á nýársdag þegar þeir sáu mann draga eitthvað stórt eftir gólfinu. Í annarri hendinni hélt maðurinn á ferðatösku og þegar að var gáð sást að í hinni hendinni var stúlka í bleikri hettupeysu.
Vegfarandi birti myndbandið á samfélagsmiðlum og sagði:
„Ég var að bíða eftir kærustunni minni á nýársdag þegar ég tók eftir pabba sem bókstaflega dró dóttur sína eftir gólfinu á hettunni.“
Hann bætti við að stúlkan var ekki að gráta eða neitt slíkt, svo virtist sem hún hafi einfaldlega neitað að koma með pabba sínum út af flugvellinum. Tíu metra fyrir aftan þau var svo eldri systir þeirra, sem gekk skömmustuleg á eftir þeim.
Myndbandið má sjá hér að neðan, vissulega mjög vafasöm uppeldisaðferð en margir foreldrar ættu að geta sett sig í þessi spor:
