Þóra Birna Jónsdóttir pantaði á dögunum snuð handa syni sínum Reynar Þór. Það væri ekki í frásögur færandi nema fyrir þau mistök sem Þóra áttaði sig á eftir að hún hafði lagt inn pöntunina.
„Fyrst að Reynar Þór er farinn að taka snuð varð mamman svo spennt og pantaði snuð með nafninu hans í gær.. Nema hvað að þegar ég var búin að panta, sé ég að heimasíðan hefur „translate-að“ nafnið hans,“ segir Þóra í færslu sinni á Facebook.
„Það kemur því í ljós hvort rétt nafn verði á þeim þegar þær koma inn um lúguna. Annars er þetta frekar júník og spurning um að sækja um nafnabreytingu?“
Eins og sjá má á meðfylgjandi mynd hafði síðan Navnesutten breytt nafni Reynar Þórs yfir í „Tries to Thor“ sem mætti þýða yfir í „reynir að Þór“.