Það er búið að eyðileggja orðið ,,femínisti“. Margir í þessum heimi telja núna að femínistar séu konur sem hata karla, sem segja að konur séu betri en karlar og að allir karlar séu eins. Það er ekki svo, skilgreiningin á orðinu er :

Femínismi er hugtak yfir ýmsar pólitískar og hugmyndafræðilegar stefnur, þar sem sóst er eftir og barist fyrir jafnrétti kynjanna í víðum skilningi. Meðal þess sem greinir á eru mismunandi skoðanir á því hvað ójafnrétti er, hvernig það lýsir sér og hvernig skuli unnið gegn því. 

Það eru til margar tegundir af femínisma, en þetta er grunnurinn á þeim öllum.

Kvenrembur.

Kona sem er kvenremba segir:

• að allar konur séu betri en allir karlar.
• að karlmenn séu skepnur við konur.
• að allir karlar séu eins.
• o.s.fl.

(það finnst mér)

Ég er femínisti.

Ég er femínisti, ég trúi á jafnrétti kynjanna og það er ekkert flóknara en það. Mér finnst að kvenrembur og karlrembur hafi eyðilagt hugtakið fyrir okkur hinum. Nú eru konur/karlar sem voru eitt sinn femínistar að kalla sig jafnréttissinna. Ekki misskilja mig, það er ekkert rangt við að kalla sig það, ég er það reyndar líka. En jafnréttissinni og femínismi er ekki alveg það sama.

Jafnréttissinnar berjast fyrir jöfnum rétti fólks óháð kyni, þjóðerni, trú, kynhneigð, fötlun ásamt mörgu öðru. Femínistar einbeita sér á jafnrétti milli kynja.

Margar konur sem ég þekki hafa hætt að nota orðið femínisti út af karlhöturum og öðru fólki sem bjó til seríótýpu yfir hvað er að vera femínisti.

Nærri því allir kvenrembur eru femínistar en ekki allir femínistar eru kvenrembur!!!

Það er hægt að bera þetta saman við trúarbrögð, ef það útskýrir þetta eitthvað betur. Eins og til dæmis, allir sem eru í ISIS eru múslimar, en ekki allir múslimar eru í ISIS. Einnig má líta á þetta sem allskonar steríótýpur.

Þetta þykir mér sárt að sjá.

Mér finnst mjög leiðinlegt að sjá fólk búa til steríótýpur úr einhverju sem bara hluti hópsins gerir. Það er erfitt að ala upp tvær stelpur sem munu lifa með því að fólk segir við þær að fólk sem berst fyrir jafnrétti kynja séu konur sem halda að kvenmenn sé æðra kynið. Þær eiga það ekki skilið að þurfa að lifa með því.

Ég ætla ala mínar stelpur upp sem jafnréttissinna og sem femínista! Að allir á þessari jörðu eiga jafnmikið skilið og allir aðrir, að konur séu jafnar körlum. Að allt fólk sé eins, sama hvaða kynþætti þau tilheyra, sama hvaða kyn þau telja sig vera, sama hver kynhneigð þeirra er.

Færslan er skrifuð af Helgu Rut og birtist upphaflega á Vynir.is