Stjörnuparið Kim Kardashian og Kanye West eiga nú von á sínu fjórða barni sem von er á snemma í maí. Parið hefur í annað skipti ákveðið að nota staðgöngumóðir til þess að ganga með barnið fyrir þau en dóttir þeirra, Chicago sem er ellefu mánaða gömul var einnig getin á þann hátt.
Tímaritið US staðfestir að parið hafi átt einn fósturvísi eftir og að kynið á barninu sé því fyrir fram ákveðið, en um strák er að ræða.
Fyrir utan Chicago á parið einnig North sem er fimm ára gömul og Saint sem er þriggja ára. Heimildarmaður US sem tengist parinu segir að Kim, sem er þrjátíu og átta ára gömul hafi alltaf langað til þess að eignast fjögur börn.