Í nótt fóru fram Critics Choice Awards í Hollywood og var ýmislegt sem kom á óvart. Eitt af því sem gerðist og ekki var búist við var að í tveimur flokkum voru tveir sigurvegarar.
Söng- og leikkonan Lady Gaga fékk fyrstu verðlaun kvöldsins fyrir lag sitt „Shallow“ úr myndinni A star is Born en síðar um kvöldið sigraði hún einnig flokkinn besta leikkonan fyrir hlutverk sitt í samnefndri bíómynd. En Lady Gaga var ekki sú eina sem sigraði þann flokk, heldur sat leikkonan Glenn Close einnig í fyrsta sæti fyrir hlutverk sitt í bíómyndinni „The Wife“.
Þrátt fyrir að ræða Glenn hafi verið hjartnæm eins og venjulega þá var það ræða Lady Gaga sem snerti hjörtu áhorfenda hvað mest.
„Ég fór á staði í huga mínu og hjarta sem ég vissi ekki að væru til eða að ég gæti farið á. Þakka ykkur kærlega fyrir BFCA, þetta er mikill heiður. Mér finnst ég viðurkennd, ekki aðeins vegna frammistöðu minnar heldur einnig fyrir þá miklu innri vinnu sem fór í það að skapa þennan karakter,“ sagði Gaga meðal annars í ræðu sinni, Popsugar greindi frá. Gaga hélt svo áfram með hjartnæma ræðu sína og deildi ást sinni á leikstjóra myndarinnar Bradley Cooper sem einnig fór með aðalhlutverk í myndinni.
„Bradley, þú ert töfrandi kvikmyndagerðarmaður. Þú ert líka töfrandi manneskja. Ég hef aldrei upplifað það sama með neinum öðrum leikstjóra eða leikara eins og það sem ég upplifði með þér. Ég mun búa að því að eilífu. Þú varst saumlaust bæði ást lífs míns og maðurinn á bak við myndavélina.“
Það voru svo leikkonurnar Amy Adams og Patricia Arquette sem fóru báðar með sigur í flokknum besta leikkonan fyrir bíómynd eða takmarkaða sjónvarpsseríu sem aðeins er sýnd í sjónvarpi.
Stóru verðlaun kvöldsins fóru svo til Netflix dramans „Roma“ fyrir bestu myndina.
Besti leikarinn: Christial Bale fyrir myndina Vice
Besti leikstjórinn: Alfonso Cuarón fyrir myndina Roma
Besta hasarmyndin:
Mission Impossible — Fallout
Bestu gaman þættirnir:
Crazy Rich Asians
Fyrir enn frekari sigurvegara er hægt að skoða síðu CNN.