Breski tískurisinn PrettyLittleThing blés til heljarinnar teitis í vikunni í Los Angeles til að fagna nýrri verslun í borginni.
https://www.instagram.com/p/BuN9kWkBrPx/
Meðal gesta var Manuela Ósk Harðardóttir, fyrrverandi fegurðardrottning og athafnakona, sem leyfði fylgjendum sínum á Instagram að fylgjast vel með herlegheitunum. Teitið var glæsilegt í alla staði og var verslunin skreytt með blöðrum í nánast öllum tónum af bleiku, bleikum rósum, neon skiltum og einhyrningum.
https://www.instagram.com/p/BuJQad3l1GW/
Þekktasti gesturinn í teitinu var án efa raunveruleikastjarnan Khloé Kardashian, sem hefur látið lítið fyrir sér fara síðan komst upp um að hennar heittelskaði, Tristan Thompson, hefði haldið framhjá henni með fjölskylduvini. Telja nú margir að Khloé sé á leiðinni í samstarf með PrettyLittleThing en systir hennar, Kourtney, fór í samstarf við fyrirtækið árið 2017. Meðal annarra stjarna sem hafa unnið með fyrirtækinu eru Sofia Richie og Olivia Culpo.
https://www.instagram.com/p/BuI_4G8Ftca/
Tónlistarmaðurinn Will.i.am var einnig í veislunni, sem og fyrirsætan Ashley Graham, og sáu rappararnir Yg og Tyga um að skemmta fólki. Hér fyrir neðan má sjá myndband úr veislunni.
https://www.instagram.com/p/BuLbXEmF7aO/