Grammy-verðlaunin voru afhent í nótt vestan hafs og var mikið um glamúr og glæsileika. Það voru hins vegar einhverjar stjörnur sem mættu ekki á hátíðina, af ýmsum ástæðum.
https://www.instagram.com/p/BtuUHNClbEC/
Söngkonan Ariana Grande var búin að gefa það út að hún myndi ekki mæta á Grammy-verðlaunin vegna ósættis við framleiðanda hátíðarinnar, Ken Ehrlich. Ágreiningurinn snerist um hvaða lög Ariana myndi syngja á hátíðinni. Þegar að samkomulag náðist ekki um það hætti söngkonan við að skemmta á hátíðinni og neitaði að mæta.
Hún vann hins vegar fyrir bestu poppplötuna Sweetener og klæddist kjólnum sem hún hafði fengið fyrir hátíðina, ljósbláum Zac Posen-síðkjól, heima í stofu. Hún var í skýjunum með verðlaunin þrátt fyrir allt.
i know i’m not there tonight (trust, i tried and still truly wished it had worked out tbh) and i know i said i try not to put too much weight into these things …. but fuck ……. ? this is wild and beautiful. thank you so much.
— Ariana Grande (@ArianaGrande) February 10, 2019
„Ég veit að ég er ekki þarna í kvöld (treystið mér, ég reyndi og óska þess enn að það hefði gengið) og ég veit að ég segi að ég reyni að taka svona hluti ekki of alvarlega…en fjandinn…þetta er villt og fallegt. Þakka ykkur kærlega fyrir,“ tísti hún þegar verðlaunin voru í höfn.
Söngkonan Taylor Swift var tilnefnd í poppplötuflokkinum fyrir plötuna Reputation, en tapaði fyrir Ariönu Grande. Hins vegar sniðgekk Taylor ekki verðlaunahátíðina heldur var upptekin í tökum fyrir kvikmynd sem byggð er á söngleiknum Cats í London. Þá sótti hún einnig BAFTA-verðlaunahátíðina til að styðja kærastann sinn, Joe Alwyn.
https://www.instagram.com/p/BttzBKJnrea/
Stjörnuparið Jay-Z og Beyoncé sniðgekk hátíðina og kom það engum á óvart, enda kom það skýrt í ljós í laginu Apesh-t sem kom út í fyrra. Í laginu rappar Jay-Z um hve reiður hann var þegar hann fékk átta tilnefningar fyrir plötuna 4:44 í fyrra en hlaut engin verðlaun.
Hjónin voru tilnefnd fyrir plötuna Everything is Love sem þau unnu saman og hlutu verðlaunin.
Það kom fáum á óvart að söngkonan Demi Lovato mætti ekki á Grammy-hátíðina enda er hún nýkomin úr meðferð.
no Grammys for us today. john got and EGOT and egot lazy pic.twitter.com/fRdcXtbFVR
— christine teigen (@chrissyteigen) February 10, 2019
„Við förum ekki á Grammy í dag. John fékk EGOT og EGOT er latur,“ skrifaði fyrirsætan Chrissy Teigen á Twitter við mynd af manninum sínum, tónlistarmanninum John Legend, þar sem hann sést sofandi uppi í sófa.
EGOT er notað yfir þá sem hafa hlotið fjögur stóru verðlaunin: Emmy, Grammy, Óskarinn og Tony-verðlaunin. Það hefur John gert og sá því ekki ástæðu til að mæta, þó hann væri tilnefndur fyrir bestu söngleikjatónlistina í Jesus Christ Superstar Live in Concert. Hann hlaut ekki verðlaunin.
Söngkonan Pink sleppti verðlaunahátíðinni til að sinna móðurhlutverkinu.
„Jæja, setjum þetta veika barn í bað,“ tísti hún. „Ég óska öllum þeim sem eru tilnefndir til hamingju! Skemmtið ykkur vel í kvöld.“
I think it’s kind of rad that I just lost my 20th Grammy nomination. I’m always honored to be included. Now to get this sick baby in the bathtub. Congrats to all the nominees! Have fun tonight.
— P!nk (@Pink) February 11, 2019
Rapparinn Childish Gambino hlaut verðlaun fyrir bestu plötuna This is America en var ekki á svæðinu til að veita verðlaununum viðtöku. Hann þáði ekki boð á hátíðina, en rígur hefur verið á milli fólks í hip hop-heiminum og Grammy-verðlaunanna um langa hríð. Hafa skipuleggjendur hátíðarinnar verið sakaðir um kynþáttaníð í þessu samhengi og að taka hip hop-tónlist ekki alvarlega.
Leikarinn Bradley Cooper hlaut sín fyrstu Grammy-verðlaun í gær fyrir lagið Shallow úr kvikmyndinni A Star is Born. Hann var þó ekki á staðnum til að baða sig í sviðljósinu því hann mætti á BAFTA-verðlaunin í London þar sem hann fór heim með verðlaunagrip fyrir bestu tónlistina í fyrrnefndri mynd.
Rapparinn Kendrick Lamar var með þeirra hip hop-stjarna sem sniðgengu hátíðina, en hann hefur hlotið tólf Grammy-verðlaun í gegnum tíðina.
Hljómsveitin Maroon 5 skemmti í hálfleik Ofurskálarinnar en sá sér ekki fært að mæta á Grammy-verðlaunin. Hljómsveit fékk tilnefningu fyrir lagið Girls Like You en tapaði fyrir Lady Gaga og Bradley Cooper með lagið Shallow.
„Ég er á tónleikaferðalagi þannig að ég komst ekki á Grammy-verðlaunin í kvöld en ég gæti ekki verið þakklátari fyrir tilnefninguna og gæti ekki verið spenntari fyrir hönd allra þarna!“ skrifaði söngkonan Kelly Clarkson á Twitter.
I’m out touring so couldn’t make #Grammys2019 tonight BUT couldn’t b more appreciative 4 the nomination & couldn’t be more excited 4 everyone there! 2 all the artists nominated & not nominated, win or lose, feel blessed that u get to do what u do 4 a living!
— Kelly Clarkson (@kelly_clarkson) February 10, 2019
Söngkonan var tilnefnd fyrir plötuna Meaning of Life en tapaði fyrir Sweetener, plötu Ariöndu Grande.
Söngkonan Rihanna hefur verið upptekin síðustu misseri við að hanna föt og gaf síðast út plötuna Anti fyrir þremur árum síðan. Rihanna hefur staðfest að næsta plata hennar komi út á þessu ári, en hún hefur hlotið níu Grammy-verðlaun á ferlinum.
Ofurhjónin Kanye og Kim Kardashian West mættu ekki í ár, en síðasta plata Kanye, Yereiceved, fékk enga tilnefningu í ár. Það er hugsanlega ástæðan fyrir því að hann mætti ekki á svæðið en tónlistarmaðurinn hefur hlotið 21 Grammy-verðlaun á ferlinum.
Justin Bieber tók sér frí frá tónlist í kjölfar þess að hann aflýsti fjórtán tónleikum á Purpose-tónleikaferðalaginu sínu árið 2017. Nú einbeitir hann sér að hjónalífinu með Hailey Baldwin og var víðs fjarri.
Platan Queen með Nicki Minaj fékk enga tilnefningu í ár. Nicki hefur verið tilnefnd tíu sinnum til Grammy-verðlaunanna en aldrei unnið. Hún sá sér ekki fært að mæta í ár.