Eins og flestir foreldrar kannast við skiptir það miklu máli að merkja leikskólaföt barnanna vel. Bæði svo að þau flækist ekki óvart heim með öðrum börnum og til þess að leikskólakennararnir þekki fötin í sundur.

Hann Erlendur Guðmundsson fékk í gærmorgun símtal frá konunni sinni eftir að hann hafði með strákana þeirra í skóla og leikskóla. Spurði hún Erlend að því hvort hann hefði ekki örugglega merkt nýju stígvél Hlyns, sonar þeirra.

„Það var ekki það sem ég var að hugsa um klukkan 7:30 í morgun, svo nei ég gerði það ekki. Konan er í saumaklúbb í kvöld og ég vill ekki lenda í þessu aftur svo „I took care of it,“ segir Erlendur við mynd sem hann birtir á brandarasíðu á Facebook.

Erlendur gaf DV góðfúslegt leyfi til þess að birta myndina en eins og sjá má reddaði Erlendur málunum með því að merkja bæði stígvélin vel. Á þeim stendur:

„Sonur minn á þetta stígvél… og þetta líka.“

Þetta kallast að redda sér.