Leikkonan Jennifer Lawrence sást á dögunum með kærasta sínum Cooke Marone yfirgefa veitingastað með risastóran demantshring á fingri. Parið sem hefur verið saman í átta mánuði kynntist í gegnum sameiginlega vinkonu.
Jennifer sem er tuttugu og átta ára gömul hefur undanfarna átta mánuði átt í sambandi við Cooke Marone en hann starfar á frægu listasafni í New York. Aðili sem staddur var á veitingastaðnum þar sem parið var segir að þau hafi greinilega verið að fagna einhverju.
„Þetta var risa demantur. Það sást á þeim að þau voru að fagna einhverju og fólk var að tala um þetta,“ sagði heimildarmaðurinn og Daily Mail greindi frá.
Cooke starfar á listasafninu Gladstone Gallery en þar má meðal annars sjá listaverk eftir Carroll Dunham, faðir leikkonunnar Lenu Dunham, ásamt Richard Prince, Anish Kapoor og fyrrverandi eiginmann söngkonunnar Bjarkar, Matthew Barney.
Þrátt fyrir að parið eyði miklum tíma í New York ólust þau bæði upp í sveit og hafa þau því margt sameiginlegt.
Parið hefur ekki talað opinberlega um samband sitt en þeir sem eru nánir Jennifer hafa haft orð á því að þeir hafi aldrei séð hana brosa jafn mikið.