„Ég á mér þá fantasíu að horfa á konuna mína stunda kynlíf með öðrum karlmanni. Ég get ekki hætt að hugsa um þetta. Hún hefur gert ýmislegt þegar kemur að kynlífi og ég held að hún væri tilbúin ef ég myndi leggja þetta til.“
Þetta segir 29 ára karlmaður sem leitaði til Deidre Sanders, sambandsráðgjafa breska blaðsins The Sun. Eiginkona mannsins er 24 ára og leitaði maðurinn til Deidre til að fá ráð um hvað hann eigi að gera; hvort hann eigi að spyrja hvort eiginkonan sé til eða hvort hann eigi að reyna að leiða hugann að öðru.
„Við höfum verið gift í eitt ár og held satt að segja að við hefðum gott af því að krydda kynlífið dálítið. Ég hef áður talað við hana um trekant. Hún var á móti því til að byrja með en sagði mér nýlega að hún væri mögulega til í það. Hvar finn ég þessa þriðju manneskju og væri ég að setja hjónaband okkar í óþarfa hættu ef af þessu yrði?“
Deidre svarar vangaveltum mannsins á þá leið að það sé alltaf áhættusamt að taka þriðja aðilann inn í sambandið.
„Þetta gæti komið í bakið á þér. Það hvað konan þín gerði í fortíðinni er hluti af hennar sögu en hún virðist vera hamingjusöm með þér. Af hverju að rugga bátnum? Hvaða skilaboð værirðu að færa henni ef þú myndir stinga upp á þessu? Ég get bent þér á rafbókina 50 Ways To Add Fun To Sex en þar má finna góð ráð um það hvernig hægt er krydda kynlífið milli ykkar tveggja, á öruggan og skemmtilegan hátt.“
