Fyrrum Hollywood parið Brad Pitt og Angelina Jolie hefur ekki sést í návist hvors annars í tvö ár eða síðan í september árið 2016 þegar þau tilkynntu skilnað sinn. Miklar deilur brutust út á milli þeirra eftir að ljóst var að þau færu í sundur en fyrrum parið á saman sex börn.
Á dögunum náðist fjölskyldan saman á mynd á leið út af skrifstofum í Los Angeles en þar voru þau saman komin til þess að ganga frá umgengnisrétti Brad og barnanna. Segir Metro ekki er orðið fullkomlega ljóst hvernig umgengninni verður háttað og á eftir að ganga frá smáatriðum í samningnum en það hefur þó verið talað um að hann fái að hitta börnin oftar en áður og að fyrrum stjörnuparið vilji forðast það að fara með málið fyrir rétt.
