fbpx
Laugardagur 16.febrúar 2019
Bleikt

Fór í þungunarrof á 27 viku: „Ég ætti að vera að skipuleggja þriggja ára afmælið hans“

Ritstjórn Bleikt
Mánudaginn 28. janúar 2019 17:00

Ekki missa af Helstu tíðindum dagsins í pósthólfið þitt

Lesa nánar

Mikil umræða hefur skapast á meðal fólks um þungunarrof á seinni hluta meðgöngu. Fólk virðist skiptast í fylkingar og engin leið fyrir þau að verða sammála um hvað sé rétt og hvað sé rangt.

Ronda LaRie Harris birti nýlega færslu á Facebook þar sem hún útskýrir fyrir fólki hvers vegna lögin ættu að leyfa konum að fara í þungunarrof þrátt fyrir að liðið sé langt inn í meðgönguna.

„Þessar myndir eru hráar. Þær eru raunverulegar. Nýlega voru lög um þungunarrof seint á meðgöngu leyfð í New York. Þetta er ástæðan fyrir því að lögin voru leyfð,“ segir Ronda í einlægri færslu sinni.

Fólk tekur ekki tilgangslausar ákvarðanir um að drepa börnin sín

„Þau voru ekki leyfð bara vegna þess að fólk skiptir um skoðun í lok meðgöngunnar og tekur ákvörðun um að drepa börnin sín. Þetta eru meðgöngur þar sem í ljós hefur komið að barnið mun ekki lifa af. Meðgöngur sem ógna lífi móðurinnar.“

Ronda segir að þegar hún var ólétt hafi komið í ljós seint á meðgöngunni að Caelyn, sonur hennar, myndi ekki lifa af eftir fæðingu. Einnig hafi henni verið greint frá því að hættulegt væri fyrir hana að ganga fulla meðgöngu með barnið.

„Caelyn átti að fæðast á St Joes spítalanum. Það var orðið ljóst að hann myndi ekki lifa af sama hvað þar sem ástandi hans fór sífellt hrakandi. Þar sem St Joes er kaþólskur spítali þá vildu þau ekki rjúfa meðgönguna, jafnvel þrátt fyrir að líf mitt væri í hættu. Ég þurfti að fara á UW spítalann í Seattle þar sem það var eini spítalinn sem var tilbúinn til þess að framkvæma þungunarrof svo seint á meðgöngu,“ segir Ronda sem var gengin 27 vikur þegar aðgerðin átti sér stað.

„Það er það sem við vorum að gera. Við vorum að enda meðgöngu vegna þeirrar vitneskju sem við höfðum fengið, sonur okkar myndi ekki lifa af. Ef þér finnst við hafa breytt rangt, þá mátt þú eyða þér út af vinalista mínum. Ég elska son minn. Ég sakna sonar míns. Á hverjum degi óska ég þess heitar en allt að sonur minn væri hér. Ég ætti að vera að skipuleggja þriggja ára afmælið hans. Ef þú heldur í eina sekúndu að ég vildi enda líf hans, þá hefur þú stórkostlega rangt fyrir þér.“

Caelyn þjáðist af kvilla sem kallast Sly Syndrome sem gerði það að verkum að frumur og vefir í líkama hans söfnuðu upp of miklum vökva. Varð hann því mikið bólginn. Ásamt því var Caelyn einnig með alvarlegan dvergvöxt, klumbufætur og marga fleiri sjúkdóma.

 

Ritstjórn Bleikt
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Sam Smith viðurkennir að hann hafi svelt sig: „Það mun alltaf vera barátta fyrir mig að horfa í spegil“

Sam Smith viðurkennir að hann hafi svelt sig: „Það mun alltaf vera barátta fyrir mig að horfa í spegil“
Bleikt
Fyrir 2 dögum

Sannleikurinn um samband Jennifer Aniston og Brad Pitt

Sannleikurinn um samband Jennifer Aniston og Brad Pitt
Bleikt
Fyrir 6 dögum

Hugh Jackman gerði bráðfyndna auglýsingu fyrir Ryan Reynolds – Sjáðu myndbandið

Hugh Jackman gerði bráðfyndna auglýsingu fyrir Ryan Reynolds – Sjáðu myndbandið
Bleikt
Fyrir 6 dögum

Aníta Rún: „Mikilvægt að geta sagt nei við börnin sín og standa við það“

Aníta Rún: „Mikilvægt að geta sagt nei við börnin sín og standa við það“

Tarot Spil

Veldu þér spil og sjáðu spádóm þinn.