fbpx
Laugardagur 16.febrúar 2019
Bleikt

Bína er miðaldra kínverskur punthundur sem kom eigendum sínum rækilega á óvart: „Við trúum þessu ekki alveg ennþá“

Aníta Estíva Harðardóttir
Mánudaginn 28. janúar 2019 13:45

Ekki missa af Helstu tíðindum dagsins í pósthólfið þitt

Lesa nánar

„Þetta gerðist á þriðjudaginn í síðustu viku. Þá var húsmóðirin á heimilinu inni í eldhúsi með gest í hádegismat þegar þau verða vör við að hún Bína er eitthvað að brölta inni í stofu, tekur svo brjálæðiskast og byrjar að gelta mjög grimmilega,“ segir Skúli Ragnarsson í samtali við blaðakonu.

Bína er miðaldra kínverskur punthundur sem hefur tilheyrt fjölskyldunni til fjölda ára.

„Hún er löt, þrjósk og athyglissjúk og það hefur svo sem enginn sérstaklega miklar væntingar til hennar aðrar en að éta matinn sinn og míga og skíta ekki inni. Það hefur hins vegar breyst eftir síðustu viku.“

Eigendum Bínu til mikillar undrunar gerði hún sér lítið fyrir og gómaði hún rottu inni í stofu heima hjá þeim.

„Þegar þau fara að athuga hvað sé í gangi þá stendur Bína yfir svo til dauðri rottunni alveg brjáluð. Það var nokkuð greinilegt að hún hafði tuskað rottuna til og drepið hana. Hún var ekki hrifin af henni, gerði sér lítið fyrir og drap hana… Sem er nokkuð spaugilegt því hún hefur átt rottubangsa í mörg ár sem hún „drepur“ mjög reglulega. Það má því segja að hún sé í nokkuð góðri æfingu. Við trúum þessu ekki alveg enn þá en Bínu eru svo sem alveg sama, hún drap bara þessa rottu. Eftir að rottunni var komið í burtu tók hún svo eftirlitsferð um íbúðina til að athuga hvort það væru fleiri rottur á svæðinu en það voru engar, sem betur fer fyrir þær. Þetta kom öllum svo á óvart því Bína er hálf fótlama og fer yfirleitt ekki mjög hratt yfir. Þetta er líka mjög fyndið því hún er hrædd við svona lítil dýr. Við höfum kynnt hana fyrir hænuungum, andarungum, páfagauk, hamstri og fleira og hún yfirleitt gerir allt til þess að forðast þau. Vill ekki einu sinni horfa á þau.““

Það má því augljóslega sjá að orðatiltækið „margur er knár, þótt hann sé smár,“ eigi vel við í tilfelli Bínu. Hér fyrir neðan má svo sjá mynd af Bínu með feng sinn og virðist hún ekki alveg skilja af hverju eigendur hennar séu að gera svona mikið mál úr atvikinu, enda hafi hún bara verið að drepa rottu sem fór í taugarnar á henni.

Aníta Estíva Harðardóttir
Aníta Estíva Harðardóttir er umsjónarmaður Bleikt á DV.
Netfang: anita@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Sam Smith viðurkennir að hann hafi svelt sig: „Það mun alltaf vera barátta fyrir mig að horfa í spegil“

Sam Smith viðurkennir að hann hafi svelt sig: „Það mun alltaf vera barátta fyrir mig að horfa í spegil“
Bleikt
Fyrir 2 dögum

Sannleikurinn um samband Jennifer Aniston og Brad Pitt

Sannleikurinn um samband Jennifer Aniston og Brad Pitt
Bleikt
Fyrir 6 dögum

Hugh Jackman gerði bráðfyndna auglýsingu fyrir Ryan Reynolds – Sjáðu myndbandið

Hugh Jackman gerði bráðfyndna auglýsingu fyrir Ryan Reynolds – Sjáðu myndbandið
Bleikt
Fyrir 6 dögum

Aníta Rún: „Mikilvægt að geta sagt nei við börnin sín og standa við það“

Aníta Rún: „Mikilvægt að geta sagt nei við börnin sín og standa við það“

Tarot Spil

Veldu þér spil og sjáðu spádóm þinn.