fbpx
Laugardagur 16.febrúar 2019
Bleikt

9 mánaða drengur lifði af ótrúlega þolraun

Erla Dóra Magnúsdóttir
Miðvikudaginn 23. janúar 2019 09:00

Ekki missa af Helstu tíðindum dagsins í pósthólfið þitt

Lesa nánar

Breskir læknar telja að 19 mánaða drengurinn, Theo Fry, eigi Englandsmet í fjölda hjartaáfalla á einum sólarhring eftir að hann fékk á þriðja tug hjartaáfalla á innan við sólarhring.

Þegar Theo litli var aðeins 8 daga gamall tóku foreldrar hans eftir því er hann blánaði allur upp og varð mjög slappur. Þau hringdu þá þegar í neyðarlínuna þar sem þeim var fyrirskipað að fara strax með drenginn á næsta sjúkrahús þar sem 40 manna neyðarteymi beið eftir honum.

Hjartað í Theo hafði gefið sig og þurfti hann að undirgangast skurðaðgerð þar sem reynt var að gera hjarta hans starfshæft að nýju.

Tvö göt uppgötvuðust á hjartanu og hjartagalli sem olli því að hjartað var ófært um að dæla blóði.

Í kjölfar aðgerðarinnar þurfti Theo að dveljast í þrjá mánuði á spítalanum áður en óhætt var talið að senda hann heim.

En þrautagöngu hans lauk ekki þar því eftir að heim var komið þjáðist Theo af mikilli hjartsláttaróreglu þar sem hjartsláttur hans gat orðið hættulega hraður.

Theo sneri því aftur á sjúkrahúsið og var haldið undir stöðugu eftirliti. Í þetta skiptið dvaldi hann í 6 mánuði á sjúkrahúsinu og á þeim tíma fékk hann fjöldann allan af hjartaáföllum.

Erfiðasti dagurinn rann þó upp þann 31. janúar 2018, þegar litla hjartað hætti að slá alls 25 sinnum.

„Þetta var hryllilegt,“sagði móðir Theos í samtali við The Sun. „Hann fékk áfall eftir áfall. Ég vissi að hann gæti ekki þolað mikið meir. Í hvert einasta skiptið sem það gerðist þurftu hjúkrunarfræðingarnir að kalla út endurlífgunarteymi. Ég fylgdist með hverju einasta hnoði sem teymið framkvæmdi á honum og hugsaði „Góði guð, ekki láta þetta vera hans síðasta andardrátt.“.“

Theo var sendur aftur í skurðaðgerð, og þar uppgötvuðu læknar bandvef í hjartanu sem kom í veg fyrir að það gæti sinnt hlutverki sínu með fullnægjandi hætti.

Þegar loksins varð ljóst hvað olli hjartaáföllunum gátu læknar gert að hjartanu hans Theos. Eftir aðgerðina fór honum hratt batnandi og fékk loksins að fara heim, nokkrum dögum síðar.

Veikindi Theos höfðu eðlilega mikil áhrif á foreldra hans. Þau safna í dag fé fyrir góðgerðarsamtökin Healing Little Hearts, en samtökin senda teymi skurðlækna til þróunarríkja til að framkvæma aðgerðir á hjartveikum börnum, sem annars myndu láta lífið.

Frétt The Sun um málið

Theo litli braggast vel þrátt fyrir að hafa fengið á þriðja tug hjartaáfalla fyrir fyrsta afmælisdaginn
Erla Dóra Magnúsdóttir
erladora@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Sam Smith viðurkennir að hann hafi svelt sig: „Það mun alltaf vera barátta fyrir mig að horfa í spegil“

Sam Smith viðurkennir að hann hafi svelt sig: „Það mun alltaf vera barátta fyrir mig að horfa í spegil“
Bleikt
Fyrir 2 dögum

Sannleikurinn um samband Jennifer Aniston og Brad Pitt

Sannleikurinn um samband Jennifer Aniston og Brad Pitt
Bleikt
Fyrir 6 dögum

Hugh Jackman gerði bráðfyndna auglýsingu fyrir Ryan Reynolds – Sjáðu myndbandið

Hugh Jackman gerði bráðfyndna auglýsingu fyrir Ryan Reynolds – Sjáðu myndbandið
Bleikt
Fyrir 6 dögum

Aníta Rún: „Mikilvægt að geta sagt nei við börnin sín og standa við það“

Aníta Rún: „Mikilvægt að geta sagt nei við börnin sín og standa við það“

Tarot Spil

Veldu þér spil og sjáðu spádóm þinn.