Það muna líklega flestir eftir henni Carrie úr þáttunum Sex and the City sem leikin var af Söruh Jessica Parker. Tískudrottning New York borgar sem skrifaði um beðmál í borginni ásamt því að drekka Cosmopolitan með vinkonum sínum.
Nú er Sarah snúin aftur í hlutverki Carrie en liðin eru tæplega fimmtán ár síðasti þátturinn var sýndur. Sarah sem er í dag orðin 53 ára gömul hefur engu gleymt eins og sjá má í myndbandinu sem Metro greindi frá:
Því miður fyrir aðdáendur Carrie þá er Sarah aðeins í hlutverki hennar fyrir þessa fimmtán sekúndna auglýsingu fyrir bjórinn Stella Artois. Leikarinn Matt Damon hefur hafið samstarf við bjórframleiðendurna með samtökum sínum Water.org sem útvegar samfélögum út um allan heim hreint vatn.
Auglýsingin er nákvæmlega eins og upphafsstef þáttanna Sex and the City en í staðin fyrir að stór mynd af Carrie sé á hlið strætósins má sjá auglýsingu þar sem greint er frá því að með einni flösku af Stellu fáist einn mánuður af hreinu vatni.
Hér fyrir neðan má svo sjá upprunalega upphafsstefið: