Það fór líklega ekki fram hjá neinum sem fylgist með fræga fólkinu í Hollywood þegar fregnir um meint ástarsamband leikkonunnar Charlize Theron og leikarans Brad Pitt bárust.
En samkvæmt nýjustu fréttum var það stórlega ýkt. Metro greinir frá því að Brad sem er 55 ára gamall og Charlize sem er 43 ára, hafi verið að vinna saman að verkefni, séu góðir vinir en eigi alls ekki í ástarsambandi.
Proud to be a part of this squad #BradPitt #AdamDriver #breitling#squadonamission#navitimer#navitimer8 pic.twitter.com/tu2uZpQHxI
— Charlize Theron (@CharlizeAfrica) September 12, 2018
„Fyrir um það bil sex mánuðum unnu þau í verkefni saman. Þau hafa ekki verið saman nýlega og fóru aldrei á stefnumót saman. Fregnir um að þau eigi í ástarsambandi eru rangar,“ segir heimildarmaður.
„Þau eru bæði á lausu í augnablikinu og því kemur það ekki á óvart að fólk tali um rómantík. Þau myndu klárlega vera algjört krafta par í Hollywood en eins og staðan er núna þá eru þau bara vinir.“
Segir heimildarmaðurinn að parið hafi gaman að hvort öðru og eigi mikið að sameiginlegum áhugamálum en að hvorugt þeirra sé að leita sér að alvarlegu sambandi að þessu sinni.
Síðan Brad og Angelina hættu saman hefur hans aðal markmið verið að vinna í því að fá sameiginlegt forræði yfir börnunum þeirra sex.