Söngvarinn Justin Bieber og eiginkona hans Hailey Baldwin fengu sér hvolpinn Oscar fyrir síðustu jól. Hvolpurinn er af tegundinni Maltese Terrier og hefur parið birt margar myndir af honum á samfélagsmiðlum.
Nú sætir Hailey þó harðri gagnrýni frá aðdáendum sínum vegna nýlegs myndbands sem hún deildi á Instagram.
Á myndbandinu má sjá Hailey halda á Osvar með annari hendi og taka upp myndband þar sem hún hristir hvolpinn nokkuð harkalega. Á myndbandið skrifar Hailey „engar áhyggjur, hann elskar þetta.“
Aðdáendur hennar voru fljótir að benda henni á að ekki væri í lagi að hrista hunda og að það væri engin leið fyrir hana til þess að vita hvort hann elskaði það eða ekki. Dailymail greinir frá.
Notanda undir nafninu ina_maaria segir: „Ohhh, stelpa hvað í fjandanum ertu að gera við hundinn þinn! Guð minn góður hvað þetta er heimskulegt!“
Annar undir nafninu laurasiegg skrifar: „Shaking dog syndrom eða? Djók…samt ekki.“ Með því vísar notandinn til alvarleika þess þegar ungabörn eru hrist en þegar það gerist geta þau látist vegna áverka.
Fleiri fylgjendur Hailey deildu áhyggjum sínum og bentu henni á að hundurinn væri ekki leikfang og að hrista hann væri ekki í lagi. Einum notanda varð heitt í hamsi og skrifaði til hennar: „Vinsamlegast hættu að beita hundinn þinn ofbeldi, okey.“
Myndbandið sem nú hefur farið í dreifingu um allt má sjá hér fyrir neðan: