fbpx
Fimmtudagur 17.janúar 2019
Bleikt

Svandís Þóra: „Ég byrjaði 2019 á persónulegu afreki“

Vynir.is
Fimmtudaginn 10. janúar 2019 19:30

Í síðustu viku ákvað ég að mig langaði að ganga upp á fjall. Koma árinu 2019 almennilega í gang og gera eitthvað sem ég hef aldrei náð að gera með góðu móti áður. Ég ákvað að hafa samband við Bergþór vin minn til að fá hann með mér. Bergþór hefur rosalega gaman að útiveru og hefur verið mjög duglegur í allan vetur að ganga mikið úti. Svo hann var tilvalið fórnarlamb til að plata með í verknaðinn.

Í færslunni minni „Að skapa eigin tilgang“ tala ég um bucket lista. Hversu mikilvægt það sé fyrir motivation fyrir því að „hætta að hugsa og bara gera hlutina“ að eiga bucket lista og passa vel upp á hann. Ég skrifaði listann minn fyrir ca. ári síðan. Hann hefur smokrað sér ofan í undirmeðvitundina mína. Ég fékk þá hugdettu í síðustu viku að ganga upp á fjall, fann mér félagsskap og lagði í hann. Í bílnum á leiðinni ákveðum við að labba upp á Helgafell – allt í lagi með það. Á leiðinni að Helgafelli sjáum við Úlfarsfell – og marga bíla við rætur þess. Einhverra hluta vegna ákváðum að klífa það frekar heldur en Helgafellið (sennilega því það blasti við en við vissum ekki alveg 100% hvar Helgafellið væri). Á leiðinni upp fór ég að hugsa – bíddu… var það ekki á bucket listanum mínum að ganga upp á Úlfarsfellið?

Nei þetta er ekki síðasti hluturinn á listanum það eru ca 30 hlutir í viðbót hinu megin á blaðinu.

 

Aldrei hefði mér dottið í hug að ég færi sjálfviljug að draga einhvern með mér í fjallgöngu. Ég hef alltaf verið með mikinn asma eða verið stórreykingamanneskja svo svona hlutir hafa ekki verið partur af mér. Árið 2016 hætti ég að reykja. Árið 2017 átti ég misheppnaða tilraun til að koma mér í form og datt út úr ræktinni í páskafríinu – en 2018 stóð ég við markmiðið mitt að koma hreyfingu í vana sem kom mér 2x upp á topp á Úlfarsfelli á sunnudaginn. Ég geri mér fulla grein fyrir að það séu ekki mörgum sem finnst þetta vera mikið afrek – en það finnst mér. Þetta er eitthvað sem ég bjóst aldrei við að geta. Ég er stolt af mér. Ég byrjaði 2019 á persónulegu afreki. Skulu persónuleg afrek einkenna þetta ár.

Fallegt útsýni uppi á toppi!
Bergþór meistari á toppnum!

Þetta voru stórkostlegir 3 klukkutímar. Það var kalt úti, vindur og rigning inn á milli en það skipti ekki máli. Útsýnið var æðislegt og félagsskapurinn frábær. Við töluðum um heima og geima og gleymdum fljótt að við værum að reyna á okkur. Þessi fjallganga mun lifa lengi með mér. Ég mæli innilega með að klifra Úlfarsfellið – en passið að fara á réttum stað niður svo þið þurfið ekki að fara tvisvar sinnum upp eins og við Bergþór. Við komum niður í öðru bæjarfélagi en bíllinn var í – það var fljótlegast að labba aftur upp á topp og koma á réttum stað niður.

Takk kærlega fyrir mig!

Svandís Þóra

Vynir.is
Við erum nokkrar stelpur sem að skrifum inn á vynir.is! Katrín Helga, Kristín, Helga Rut, Agnes, Laufey Inga, Aníta Rún, Stefanía Hrund & Árný Hlín.
Síðan okkar er fyrst og fremst byggð á húmor, vináttu, afþreyingu, uppskriftum, matseðlum og persónulegum færslum úr okkar lífi.
Við erum tiltölulega ný í blogg heiminum og hlakkar okkur mikið til komandi tíma.
Vynir.is eru á Facebook : https://www.facebook.com/vynir.is/
Og Instagram: https://www.instagram.com/vynir.is/
www.vynir.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Í gær

Voffi biður íslenska foreldra um hjálp

Voffi biður íslenska foreldra um hjálp
Bleikt
Fyrir 2 dögum

Agnes gagnrýnir slæma notkun öryggisbúnaðar: „Þetta vekur upp hjá mér reiði í garð foreldra“

Agnes gagnrýnir slæma notkun öryggisbúnaðar: „Þetta vekur upp hjá mér reiði í garð foreldra“
Bleikt
Fyrir 3 dögum

„Ég hata tíkina Agnesi“ – Vika í ræktinni breyttist í skelfilega martröð

„Ég hata tíkina Agnesi“ – Vika í ræktinni breyttist í skelfilega martröð
Bleikt
Fyrir 4 dögum

Feita stóra Sólveig fékk lakari þjónustu og ljótar augngotur: „Ég notaði matinn til að hefna mín á sjálfri mér“

Feita stóra Sólveig fékk lakari þjónustu og ljótar augngotur: „Ég notaði matinn til að hefna mín á sjálfri mér“
Bleikt
Fyrir 1 viku

Lögregluþjónn stöðvaði konu fyrir hraðakstur: Hún kom með besta svarið

Lögregluþjónn stöðvaði konu fyrir hraðakstur: Hún kom með besta svarið
Bleikt
Fyrir 1 viku

Myndir þú borga yfir 200 þúsund fyrir Spice Girls miða? – Aðdáendur eru æfir

Myndir þú borga yfir 200 þúsund fyrir Spice Girls miða? – Aðdáendur eru æfir