fbpx
Fimmtudagur 17.janúar 2019
Bleikt

Jim Carrey nýrakaður með nýja kærustu á Golden Globe verðlaununum í gær

Erla Dóra Magnúsdóttir
Mánudaginn 7. janúar 2019 13:15

Leikarinn Jim Carrey leit vel út á Golden Globe verðlaunahátíðinni í gær. Jim hefur látið lítið fara fyrir sér seinustu misseri eftir mikla erfiðleika í persónulífinu en í gær mátti glöggt sjá að hann hefur engu gleymt. Hann kynnti þar einnig nýju konuna í lífinu sínu, Ginger Gonzaga, sem leikur með honum í þáttunum Kidding sem lönduðu Jim tilnefningu til gyllta hnattarins í ár. 

Jim Carrey virtist hafa elst á aftur á bak þegar hann mætti á rauða dregilinn á Golden Globe verðlaununum í gær.  Hann hafði losað sig við skeggið sem hefur fylgt honum frá því að hann dró sig í hlé árið 2016 og yngdi það hann töluvert í útliti. Fyrrverandi kærasta hans Cathronia White tók eigið líf í september 2015. Í kjölfarið lögsótti fjölskylda hennar Jim og töldu hann bera ábyrgð á ótímabundnu fráfalli hennar. Jim var þó sýknaður af þeim ásökunum en dró sig kjölfarið út úr sviðsljósinu. Nú er hann mættur aftur, nýrakaður, með þætti sem hafa hlotið mjög góðar viðtökur og ástfanginn.

Ginger og Jim kynntust við tökur á þáttunum Kidding. „Hún er ekki bara falleg, hún er brjálæðislega hæfileikarík, stórkostleg og klár“, sagði Jim á rauða dreglinum í gær og sparaði þar ekki hrósin. Kannski að hann hafi losað sig við skeggið til að ekki væri eins áberandi hversu mikill aldursmunur er á parinu, en Jim er 56 ára gamall á meðan Ginger er 34 ára.

Á verðlaunaafhendingunni brá Jim á leik með kynnum þáttanna, Andy Samberg og Söndru Oh.

„Ég sé Jim Carrey sitja hérna fremst í kvikmyndahlutanum jafnvel þó hann sé tilnefndur fyrir sjónvarpsþátt“, sagði Sandra Oh.

„Það gengur ekki. Mér þykir það leitt Jim en við verðum að biðja þig um að yfirgefa kvikmyndahlutann og setjast með sjónvarpsliðinu“

Öryggisvörður fylgdi honum í nýtt sæti á meðan Jim þóttist ekki heyra afsökunarbeiðni kynnana.

„Fyrirgefðu en ég heyri ekki í ykkur. Ég sé varnirnar á ykkur hreyfast en það er töf, það tekur langan tíma fyrir hljóðið að berast þetta langt,“ sagði Jim og mátti glöggt sjá að Jim Carrey hefur engu gleymt þegar kemur að gríninu.

 

 

Bless skegg, við munum ekki sakna þín
Erla Dóra Magnúsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Í gær

Voffi biður íslenska foreldra um hjálp

Voffi biður íslenska foreldra um hjálp
Bleikt
Fyrir 2 dögum

Agnes gagnrýnir slæma notkun öryggisbúnaðar: „Þetta vekur upp hjá mér reiði í garð foreldra“

Agnes gagnrýnir slæma notkun öryggisbúnaðar: „Þetta vekur upp hjá mér reiði í garð foreldra“
Bleikt
Fyrir 3 dögum

„Ég hata tíkina Agnesi“ – Vika í ræktinni breyttist í skelfilega martröð

„Ég hata tíkina Agnesi“ – Vika í ræktinni breyttist í skelfilega martröð
Bleikt
Fyrir 4 dögum

Feita stóra Sólveig fékk lakari þjónustu og ljótar augngotur: „Ég notaði matinn til að hefna mín á sjálfri mér“

Feita stóra Sólveig fékk lakari þjónustu og ljótar augngotur: „Ég notaði matinn til að hefna mín á sjálfri mér“
Bleikt
Fyrir 6 dögum

10 merki þess að þú sért of gamall til að fara á skemmtistaði

10 merki þess að þú sért of gamall til að fara á skemmtistaði
Bleikt
Fyrir 1 viku

Lögregluþjónn stöðvaði konu fyrir hraðakstur: Hún kom með besta svarið

Lögregluþjónn stöðvaði konu fyrir hraðakstur: Hún kom með besta svarið