fbpx
Fimmtudagur 17.janúar 2019
Bleikt

Drake gagnrýndur fyrir að kyssa ungan aðdáanda á sviði: „Ég er ekki tilbúinn til að fara í fangelsi“

Tómas Valgeirsson
Mánudaginn 7. janúar 2019 12:30

Tónleikagestir voru slegnir þegar rapparinn Drake bauð stúlku upp á svið og byrjaði að kyssa hana og strjúka á óviðeigandi máta. Myndband náðist af atvikinu, sem átti sér stað í maí árið 2010 í tónleikahúsinu Ogden Theatre í Colorado, en upphaflega var það fjarlægt af veraldarvefnum og birtist aftur á Twitter nú á dögunum. Óhætt er að segja að netverjar hafa farið ófögrum orðum um rapparann í kjölfarið.

Drake var 23 ára gamall þegar myndbandið var tekið upp og þar má sjá hann þefa af hári stúlkunnar, faðma hana að sér og kyssa hana um hálsinn áður en hann spyr hvað hún er gömul. Þegar hún segist vera sautján ára tryllast áhorfendur og reynir Drake að bjarga sér fyrir horn.

„Ég er ekki tilbúinn til að fara í fangelsi“ segir hann. „Ertu virkilega sautján ára? Og þú lítur svona út? Ég veit ekki hvort ég eigi að finna fyrir samviskubiti eða ekki en ég skemmti mér samt.“

Þá bætir hann við að hann hafi kunnað að meta hvernig barmurinn á henni straukst upp að brjóstkassanum hans. Í kjölfarið á því kyssir hann hönd stúlkunnar, kinnarnar, enni og varir.

Myndbandið má sjá að neðan.

Fólk á samfélagsmiðlum hefur tekið fram að tímasetning myndbandsins sé afar óheppileg fyrir Drake.

Í fyrra var gefin út heimildarmynd um rapparann R. Kelly, sem ber heitið „Surviving R. Kelly“ en þar má finna um fimmtíu viðtöl við fórnarlömb rapparans, fjölskyldur þeirra og meðlimi úr innsta hring R. Kelly. Rapparinn var meðal annars sakaður um að hafa brotið kynferðislega á stúlku síðan hún var fjórtán ára gömul.

Einnig hefur mikið verið fjallað um vináttu hinnar 14 ára gömlu Stran­ger Things-leik­konu Millie Bobby Brown og Dra­ke, sem er 32 ára í dag. Brown greindi frá því að hann gæfi henni meðal ann­ars ráð varðandi stráka. „Ég sakna þín svo mikið,“ skrifaði Dra­ke til Brown í september og hafa margir sett spurningarmerki við aldursmun meinta parsins og samband þeirra almennt.

Hér má finna brot af útreiðinni sem notendur Twitter hafa tjáð í garð Drakes eftir að myndbandið frá tónleikunum komst aftur í dreifingu.

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Í gær

Voffi biður íslenska foreldra um hjálp

Voffi biður íslenska foreldra um hjálp
Bleikt
Fyrir 2 dögum

Agnes gagnrýnir slæma notkun öryggisbúnaðar: „Þetta vekur upp hjá mér reiði í garð foreldra“

Agnes gagnrýnir slæma notkun öryggisbúnaðar: „Þetta vekur upp hjá mér reiði í garð foreldra“
Bleikt
Fyrir 3 dögum

„Ég hata tíkina Agnesi“ – Vika í ræktinni breyttist í skelfilega martröð

„Ég hata tíkina Agnesi“ – Vika í ræktinni breyttist í skelfilega martröð
Bleikt
Fyrir 4 dögum

Feita stóra Sólveig fékk lakari þjónustu og ljótar augngotur: „Ég notaði matinn til að hefna mín á sjálfri mér“

Feita stóra Sólveig fékk lakari þjónustu og ljótar augngotur: „Ég notaði matinn til að hefna mín á sjálfri mér“
Bleikt
Fyrir 6 dögum

10 merki þess að þú sért of gamall til að fara á skemmtistaði

10 merki þess að þú sért of gamall til að fara á skemmtistaði
Bleikt
Fyrir 1 viku

Lögregluþjónn stöðvaði konu fyrir hraðakstur: Hún kom með besta svarið

Lögregluþjónn stöðvaði konu fyrir hraðakstur: Hún kom með besta svarið