Hreinn sveinn og lygarkvenndi. Nýja þáttaröðin af The Bachelor lofar góðu.
Nú er 23. þáttaröð af The Bachelor að hefja göngu sína. Piparsveinninn að þessu sinni er Colton Underwood, fyrrum NFL leikmaður sem áður hafði verið vonbiðil piparjónkunnar Beccu í þáttunum um The Bachelorette, í sumar. Colton er einkum þekktur fyrir þá staðreynd að hann hefur aldrei verið við konu kenndur.
„Ég er hreinn sveinn, en það er bara lítill hluti af því hver ég er,“ segir Colton í stiklu þáttanna en í kynningarefni fyrir þáttaröðina er frasinn ; „Hverju hefur hann að tapa?“ mikið notaður svo af því má álykta að sveindómur Coltons gegni stóru hlutverki í þáttunum.
Fyrsti þáttúrinn verður sýndur þann 7. janúar en á Twittersíðu þáttanna birtist í gær tíst með kitlu úr þáttunum sem hefur vakið mikla athygli. Í henni sést keppandi að nafni Bri kynna sig fyrir piparsveininum og talar hún með Áströlskum hreim. Bri er ekki frá Ástralíu, heldur Kaliforníu. Um hreiminn segir hún svo :
„Maður gerir hvað maður getur til að standa upp úr hópnum.“
Aðdáendur þáttanna geta rétt ímyndað sér hvernig þessi lygi mun koma í kollinn á henni. Eða hvað ?
Is this lie going to take her down (under)? #TheBachelor pic.twitter.com/OrHrathRYJ
— The Bachelor (@BachelorABC) January 3, 2019
https://www.instagram.com/p/BqNdKuPgPTF/?utm_source=ig_embed