Fyrrum barnastjarnan og söngvarinn Justin Bieber hefur í nokkra mánuði falið nýtt húðflúr sem hann lét setja á andlitið. Nú hefur hinn frægi húðflúrari, JonBoy, sem gerði flúrið á Bieber sett inn mynd af því á Instagram.
Bieber hefur áður gefið vísbendingu um nýja flúrið, þegar hann birti mynd af eiginkonu sinni, Hailey Bieber með undirskriftinni Style&Grace. Á andliti Bieber má sjá að á flúrinu stendur einfaldlega „grace“ og telja því aðdáendur hans líklegt að Hailey sé með orðið „style“ flúrað á sig en það hefur þó ekki verið staðfest.
https://www.instagram.com/p/BsFHacjnpvo/?utm_source=ig_embed
Samkvæmt Metro bað Bieber um hönd Hailey í júlí á síðasta ári en talið er að þau hafi gift sig hjá sýslumanni í september síðastliðnum. Þá er einnig talið líklegt að parið muni halda almennilega veislu fyrir vini og vandamenn síðar meir.
